जनकपुरधाम । जनता समाजवादी पार्टी नेपालका तात्कालिन संघीय परिषद सदस्य युवा नेता नवीनकुमार यादवलाई लेनदेन मुद्दा आरोपमा जेल चलान गरिएको छ ।
जिल्ला अदालत धनुषाले नेता यादवलाई बिहीवार एक वर्ष कैद सजायको फैसला सुनाएको छ । फैसला पश्चात नेता यादवलाई बिहीवार नै सिन्धुली कारागारमा पठाइएको छ ।
लेनदेनको मुद्दा वादीले एक वर्ष कैद वा ५ लाख रुपैयाँ विगो सहितको माग गर्दै धनुषा जिल्ला अदालतमा दर्ता गराएको थियो । मुद्दा दर्ता लगतै नेता यादवले अदालतको आदेशमा अनुसन्धानका लागि नियन्त्रणमा लिएको थियो ।
आरोप ठहर भएपछि विगो सहितको रकम बुझाउन यादवलाई अदालत आदेश गरेको थियो, सो रकम बुझाउन नसक्दा एक वर्षका लागि जेलचलान गर्ने फैसला सुनाएको जिल्ला प्रहरी कार्यालय धनुषाका प्रवक्ता प्रहरी नायव उपरीक्षक जितेन्द्र कुमार बस्नेतले जानकारी दिएका छन ।
यसअघि पनि यादवलाई जनकपुरधामको एक क्याफेमा महिला कर्मचारीलाई दुर्व्यवहार गरेको आरोपमा प्रहरीले नियन्त्रणमा लिएको थियो ।
जनकपुरधामको शिवचोकस्थित जेएफसि क्याफेमा २०७७ साउन १० गते राति खाजा खाने क्रममा दुई महिला कर्मचारीलाई यादवले जिस्क्याउदैँ दुर्व्यवहार गरेको आरोपमा प्रहरीले उनलाई तत्कालै पक्राउ गरेको थियो । तर उनी आबद्ध तात्कालिन समाजवादी पार्टीले प्रहरी विरुद्ध प्रदर्शन गरेपछि धरौटीमा उनलाई रिहा गरिएको थियो ।
यो विषयमा आफ्नो प्रतिक्रिया दिनुहोस् !