जनकपुरधाम । घर परिवारभन्दा बाहिर गएर होली नखेल्न मधेश प्रदेश प्रहरीले अनुरोध गरेको छ ।
मधेश प्रदेश प्रहरी कार्यालय जनकपुरधामका प्रहरी वरिष्ठ उपरीक्षक योग बहादुर पालले एक सूचना जारी गर्दै स्वास्थ्य सुरक्षाको ख्याल गरी घर परिवारभन्दा बाहिर गएर होली नखेल्न अनुुरोध गरेका हुन ।
घरपरिवार भन्दा बाहिर गएर समूहमा भेला भई नखेल्न, आफ्ना घरका छत, बरण्डा, झ्याल आदीबाट जबरजस्ती गरी रंगरोगन, लोला, पिच्कारी, नहान्न, मादक पदार्थ सेवनगरी २ जनाभन्दा बढी एउटा मोटरसाइकलमा चढेर नहिंड्न विज्ञप्ति मार्फत प्रदेश प्रहरीले अनुरोध गरेका हुन ।
त्यस्तै मानव स्वास्थ्यलाई प्रतिकुल असर पार्ने गरी होली नखेल्न, हुलिया नै नचिनिने गरी विभिन्न रंगरोगन नलगाउन, होलीको नाममा सार्वजनिक कार्यक्रमहरु नगर्न, मादक पदार्थ सेवन गरी सवारी नचलाउन समेत अनुरोध गरेको छ ।
‘सडक तथा बाटोमा हिँडेका व्यक्तिहरुलाई उनीहरुको ईच्छा विपरित रंग नलगाउन, होलीको नाममा समुदायमा शान्ति भंग हुने खालका गतिविधि नगर्न, होलीको नाममा सार्वजनिक कार्यक्रम आयोजना गर्न, होहल्ला गर्ने कार्य नगर्न, पर्वको नाममा धार्मिक साम्प्रदायिक सद्भावमा खलल पुग्ने खालका क्रियाकलाप नगर्न, महिलालाई लक्षित गरी इच्छा विपरित रंगलगाउने, पिचकारी हान्ने तथा हैरानी तथा सताउने लगायतका क्रियाकलाप समेत प्रदेश प्रहरीले भनेको छ ।
अनुरोधलाई बेवास्ता गरिएको खण्डमा वा विपरित कार्य गरेमा प्रचलित कानुन बमोजिम कारबाही हुने चेतावनी समेत प्रदेश प्रहरीले विज्ञप्ति मार्फत भनेका छन ।
यो विषयमा आफ्नो प्रतिक्रिया दिनुहोस् !