जनकपुरधाम । नेपाली कांग्रेस धनुषाको सभापतिमा विमलेन्द्र निधि पक्षका उम्मेदवार योगेन्द्र पजियार निर्वाचित भएकाे छ ।
शुक्रबार सम्पन्न दोस्रो चरणको मतदानकाे अबेर रातिसम्म भएकाे मतगणनामा संस्थापन पक्षका उम्मेदवार संतोष यादवलाई ६८९ मतान्तरले पराजित गर्दै पजियार निर्वाचित भएकाे हाे । दोस्रो चरणको मतदानमा २ हजार ८१४ मत खसेकोमा योगेन्द्रले १ हजार ७३५ मत पाए भने उनका निकटतम प्रतिद्वन्द्वी संतोषले १ हजार ४६ मत ल्याएका थिए । ३३ मत भने बदर भएको छ ।
धनुषा क्षेत्र नम्बर १ मा ८०१ मतदाता मध्ये ६७१, क्षेत्र नम्बर २ मा ८३० मध्ये ६९६, क्षेत्र नम्बर ३ मा ७१० मध्ये ६३४, क्षेत्र नम्बर ४ मा ७०९ मध्ये ५७८ र अपांग समूहबाट २३५ मत खसेको थियो ।
यसअघि सोमबार भएको पहिलो चरणको मतदानमा सभापतिका तीन उम्मेदवारमध्ये सबभन्दा धेरै मत पजियारले नै ल्याएका थिए । तरपनि उनको पक्षमा ५१ मत पुग्न नसक्दा दाेश्राे चरणकाे मतदान भएकाे थियाे ।
कुल ३ हजार १७३ मतदातामध्ये पहिलो चरणमा २ हजार ९१२ जनाले मतदान गरेका थिए । पजियारले १ हजार २४८ मत पाएका थिए भने संतोषले ८८२ र दिनेश प्रसाद प्रसैलाले ६३० मत पाए । त्यस्तै, १५१ वटा मत बदर भएको थियो ।
योगेन्द्रलाई दिनेशको साथ
दोस्रो चरणको निर्वाचनमा योगेन्द्रलाई डाक्टर शेखर कोइराला पक्षका उम्मेदवार दिनेश प्रसैलाले साथ दिएपछि उनले संस्थापन पक्षका संतोष यादवलाई हराएर सभापति चुनिएका हुन् ।
प्रसैलाले समर्थन गर्नासाथ पजियारको जित सुनिश्चित जस्तै बनेको थियो । दाेश्राे चरणकाे मतपरिणाम :
क्षेत्र नम्बर १
याेगेन्द्र पजियार : ३०५
संताेष यादव : ३५५
बदर मत : ११
क्षेत्र नम्बर २
याेगेन्द्र पजियार : ४६६
संताेष यादव : २२२
बदर मत : ८
क्षेत्र नम्बर ३
याेगेन्द्र पजियार : ५२२
संताेष यादव : १०४
बदर मत : ७
क्षेत्र नम्बर ४
याेगेन्द्र पजियार : ३०२
संताेष यादव : २७२
बदर मत : ५
अशक्त अपाङ्ग समूहतर्फ
याेगेन्द्र पजियार : १४०
संताेष यादव : ९३
बदर मत : २
यो विषयमा आफ्नो प्रतिक्रिया दिनुहोस् !