एजेन्सी,
इस्लामाबाद । पाकिस्तानको एक मस्जिदमा शक्तिशाली बम विष्फोटमा परी ५६ जनाको ज्यान गएको छ भने १९४ जना घाइते भएका छन् ।
शुक्रबार पेशावर सहरस्थित मस्जिदमा प्रार्थना गरिरहेका मानिसहरुलाई लक्षित गरी यो आक्रमण गराइएको हो । पाकिस्तानी सञ्चारमाध्यमहरूका अनुसार विष्फोटमा परी ५६ जनाको मृत्यु भएको छ भने १९४ जना घाइते भएका छन् ।
आक्रमणको जिम्मेवारी आतंकवादी संगठन आईएसले लिएको छ । पेशावरका प्रहरी प्रमुख मुहम्मद एजाज खानका अनुसार मस्जिद बाहिर दुई आक्रमणकारीले सुरुमा गोली चलाएका थिए ।
उक्त आक्रमणमा एक प्रहरी र एक आक्रमणकारीको मृत्यु भएको थियो । बाँकी आक्रमणकारी मस्जिदभित्र छिरेर आत्मघाती विष्फोट गराएका थिए । उक्त क्षेत्रमा आपतकाल घोषणा गरेर अहिले उद्धारको कार्य भइरहेको प्रहरी प्रमुख खानले बताए । पाकिस्तानका प्रधानमन्त्री इमरान खानले आक्रमणको निन्दा गरेका छन् ।
यो विषयमा आफ्नो प्रतिक्रिया दिनुहोस् !