जनकपुर । प्रेस चौतारी नेपाल धनुषाको अध्यक्षमा अवधेश कामत चयन भएकाे छ ।
मंगलबार जनकपुरधाममा भएको ९ औँ जिल्ला अधिवेशनबाट कामतको अध्यक्षतामा नौ सदस्यीय समिति चयन समेत गरिएको हो ।
त्यस्तै कार्यसमितिकाे उपाध्यक्षमा ललनकुमार साह, सचिवमा जिवय जयसवाल, सहसचिवमा शंकर थापा र सुनिलकुमार साह, कोषाध्यक्षमा ज्ञानेन्द्रकुमार ठाकुरलाई सर्वसम्मत चयन गरिएको छ ।
सदस्यहरुमा चित्र श्रेष्ठ, सन्तोष मिश्र र प्रिय कर्णलाई चयन गरिएको छ भने प्रेस चौतारीका मधेश प्रदेश संयोजक फणि महतले चयन भएका पदाधिकारीसहितकालाई सपथ ग्रहण गराएका छन ।
निर्वाचित पदाधिकारीहरुलाई नेकपा एमाले धनुषाका अध्यक्ष राजकिशोर यादवको प्रमुख आतिथ्यतामा अधिवेशन सम्पन्न भएको थियो ।
त्यस्तै यस अधिवेशनबाट राष्ट्रिय महाधिवेशन प्रतिनिधिमा जगदिश साह र गणेश खरेललाई चयन गरिएको छ भने प्रदेश अधिवेशन प्रतिनिधिमा भगलु मण्डल र जीवनारायण झालाई चयन गरिएको छ ।
यो विषयमा आफ्नो प्रतिक्रिया दिनुहोस् !