जनकपुरधाम । मधेश प्रदेशका राजधानी जनकपुरधाममै पहिलाे पटक न्यूरो सर्जरीकाे काव्या अस्पतालले सेवा सुरु गरेको छ ।
अस्पतालका सञ्चालक डा. एस.के. सिंहले शनिबार पत्रकार सम्मेलनको आयोजना गरी न्यूरो सर्जरीकाे सेवा केही दिन अघि शुरू गरिएपनि दुई/दुई केश सफल गरेर आवश्यक प्रविधिहरु पुरा भएपछि औपचारिक रुपमा सेवा सुरु गरिएको जानकारी दिए ।
उनले न्युराे सर्जरीका लागि अब काठमाडाै र विराटनगर धाउने समस्या यहांका जनताका लागि टरेकाे बताए । उनले काठमाडाै र विराटनगर भन्दा सस्ताे ७ लाख रूपैया पर्ने उपचारकाे सम्पुर्ण प्याकेज मात्र अढाई लाखमा दिने गरेकाे जानकारी दिए ।
न्यूरो सर्जरी सेवा सञ्चालनका लागि अस्पतालले न्यूरो सर्जन डा. हेमन्त कुमार साहको नेतृत्वमा टिम बनाएको छ । यस विभागमा डा. साहको मातहतमा अन्य सर्जन डाक्टरहरु समेत रहने सिंहले जानकारी दिए ।
अस्पताल छिट्टै अन्य नयाँ सेवाहरु समेत सञ्चालनको तयारीमा रहेको उनले बताए । उनले प्रत्येक दिन न्यूरो सर्जरीको ओपिडी सेवा सञ्चालन हुने बताए ।
गुणस्तरीय उपचार सेवाका लागि काव्या अस्पतालले कुनै कसर बाँकी नराखेकाे सञ्चालक डा. सिंहले दाबी गर्दै गरीब विपन्नका लागि ५ सय रूपैयादेखि सम्पन्न व्यक्तिसम्मका लागि सेवा दिने गरि व्यवस्थापन ।
उनले यसक्षेत्रका जनताका लागि काव्या अस्पतालले सुरुदेखि नै नयाँ सेवाहरु सञ्चालन गर्दै आएको बताउंदै न्यूरो सर्जरी सेवा सञ्चालन गर्ने मधेस प्रदेशकै दोस्रो अस्पताल रहेको समेत उनले दावी गरे ।
उनले अस्पतालले न्युराे सर्जरीका साथै यूरो सर्जरी सेवा समेत निरन्तर दिइरहेको जानकारी दिए । ल्याप्रोस्कोपी गाइनोकोजिकल सर्जरी सेवा समेत अस्पतालले डाक्टर राजन साहको नेतृत्वमा निरन्तर सञ्चालन गरिरहेको डाक्टर सिंहले जानकारी दिए ।
सिंहले जनकपुरधाम क्षेत्रका लागि एम्बुलेन्स सेवा सहित प्रत्येक महिनाकाे पहिलाे मंगलवार डाइबिटिज र विभिन्न समयमा थाइराइडकाे निशुल्क शिविर संचालन गर्दै आएकाे बताए ।
उनले काव्या अस्पताल महगो रहेको कुरालाई अस्विकार गर्दै गरीव, विपन्नहरुलाई आफ्नो अस्पतालले निरन्तर छुट गर्दै आईरहेको र सेवा अनुसारकाे जनकपुरमा अन्य अस्पतालले लिइरहेकाे रकमभन्दा पनि कम लिइरहेकाे दावी गरे ।
यो विषयमा आफ्नो प्रतिक्रिया दिनुहोस् !