जनकपुरधाम । नेपाल रेलवे कम्पनीको जयनगर जनकपुरधाम रेलवे संचालनका आफूहरुलाई हटाएर महाप्रबन्धकले आफ्ना पार्टी कार्यकर्तालाई भर्ना गर्न तालिम दिन लागेको भन्दै यसअघि नियुक्त गरिएका कर्मचारीहरु विरोध प्रदर्शनमा उत्रेका छन ।
चाँडै नै संचालन गर्ने भनी रेलवे संचालनका लागि पहिला १ सय ५१ जना कर्मचारीलाई प्रशिक्षण दिई दुई महिना खटाएर अहिले तिनीहरुलाई हटाएर ५५ जना नयाँ कर्मचारी भर्ना गर्न गोप्य रुपमा मंगलवारदेखि तालिम शुरु गरेको छ ।
केपी ओली नेतृत्वको सरकारको बेला तात्कालिन रेलवे महाप्रबन्धक गुरु भट्टराईले २०७० सालसम्म खटेका कर्मचारीहरु मध्ये ६५ जना र विभिन्न तहका गरी १ सय ५१ जनालाई गएको वैशाख महिनादेखि श्रावण महिनासम्म किस्ताबन्दी रुपमा एक महिनाको प्रशिक्षण दिई दुई महिनासम्म डियुटीमा समेत खटाएको थियो ।
तर सत्ता परिवर्तन संगै नयाँ प्रबन्धक निरन्जन झाले आफूहरुलाई हटाई ५ दलीय संयुक्त सरकारले आ आफ्ना पार्टी कार्यकर्तालाई भर्ना गरी तालिम दिन लागेको आरोप पुराना कर्मचारी मध्ये तालिम लिएका कर्मचारी अजयकुमार गोइत बताए ।
उनले भने आफूहरु प्रक्रिया पुरा गरेर तालिम लिएका थियौं, सोही आधारमा परीक्षा दिई पास हुँदा दुई दुई महिनासम्म डियूटी समेत गराइयो, तर अहिले सरकारको दलीय शिकार भई न त खटेका तलब पायौं न जागिर ।
सहायक स्टेशन मैनेजरको तालिम लिएका इन्द्रजीत गोइतले आफ्ना पीडा पोख्दै भने यदि आफूहरु मापदण्ड विपरित तालिम लिएर डियूटी गरेका थियौं भने दोषी आफू छ कि नेपाल सरकार । उनले भने सरकारले आफ्ना दलीय स्वार्थ पुरा गर्न आफूहरु सहित १ सय ५१ जनाको भविष्यसँग खेलवाड गरेर अन्याय गरेको छ । आफूहरु के कति आधारमा हटाइएको भनी न्यायका लागि जवाफ मांग्दा महाप्रबन्धक झा न फोन उठाउंछ न भेट नै गर्छन, कम्पनीको कार्यालयमा जाँदा उल्टै उनका आसेपासेहरुले प्रहरी लगाएर हप्काएर पठाई दिन्छन ।
जनकपुरधामको मत्स्य विकास तालिम केन्द्रमा आयोजना गरिएको सो तालिक स्थल अगाडि बिहान ११ बजेदेखि विरोध प्रदर्शनमा उत्रेका छन । उनीहरुले आफूहरुलाई के कति कारणले हटाइएको भनी महाप्रबन्धक झासँग जवाफ मांग्दै नाराबाजी गरिरहेका छन । आफूहरुको मांग सम्बोधन नभएसम्म तालिम अवधिभरि एक महिनासम्म विरोध प्रदर्शन गर्नेछौं चेतावनी सभ इन्जिनीयरमा तालिम लिएका सुजित साहले दिए ।
पुरानो लिएका तालिम लिएकाहरुलाई के कति कारणले हटाएर नयाँ भर्नाका तालिम दिइरहेको प्रसंगमा रेलवेका महाप्रबन्धक निरञ्जन झाले भने नयाँ पुरानो कर्मचारी के हो भन्ने कुरा आफूलाई थाहा छैन, लोक सेवा आयोगले करारमा कर्मचारी भर्ना गर्न पाइदैन भन्नेपछि तिनीहरुलाई कानून सम्मत हटाएर दैनिक ज्यालादारीमा कमर्चारी भर्ना गर्न लागेको भने । पछिल्लो तालिम बारे उनले भने कुनै तालिम भएको छैन, यदि भएको छ भने प्रमाण देखाउनुस । लोकपुकारलाई प्राप्त यी प्रमाणले महाप्रबन्धक झा कतिको सत्य बोलिरहेको छ भन्ने प्रष्ट गर्छ ।
यसअघि स्टेशन मास्टर, गेट म्यान, गैंगम्यान, इन्चार्ज इन्जिनीयर र टिकट म्यान, टिटी लगायतका आधा दर्जनभन्दा बढी पदमा तालिम दिइएको थियो । अहिलेपनि एक महिनासम्म सो तालिम केन्द्रमा गेट म्यान, गैंगम्यान, प्वाईन्ट, किम्यान र स्टेशन मास्टरको तालिम दिइरहेको छ ।
यो विषयमा आफ्नो प्रतिक्रिया दिनुहोस् !