जनकपुरधाम । प्रत्येक वर्ष हर्षोल्लास र उत्साहका साथ जनकपुरधाममा मनाइने श्रीराम जानकी विवाहपञ्चमी महोत्सवको प्रमुख स्थल बारह विग्घा मैदान सम्बन्धित निकायको बेवास्ताले अहिले कुरुप बनेका छन ।
विवाह पञ्चमी महोत्सवका लागि जानकी मन्दिर दुल्हिन झै सजाइएपनि उपमहानगरपालिकाको लपारवाहीले महोत्सवको पुर्व सन्ध्यासम्म महोत्सवको प्रमुख स्थल बारहविग्घा मैदान लथालिङ्ग भई कुरुप नै बनेको हो ।
भगवान श्रीराम जानकी विवाहको प्रत्यक्ष साक्षीको रुपमा रहेको रंगभूमि मैदान भनिने बारह विग्घा महोत्सवमा अहिले उपमहानगरपालिकाको उपेक्षितको शिकार बनेको हो । शहीद गेटको नाममा दशौं करोड रुपैया खर्च गर्ने उपमहानगरपालिकाले विवाह पञ्चमीको नाममा एक रुपैया खर्च गरेको छैन ।
हुनत महोत्सवको अग्रसरता लिन उपमहानगरपालिकाका मेयर लालकिशोर साहले सरसफाईको नाममा नाटकीय रुपमा मन्दिरमा झाडू समातेर सेल्फी खिचाएर समाजिक सञ्जालमा लाखौ रुपैया खर्च गरी बूस्ट गराए । तर महोत्सवको व्यवस्थापनका लागि माता सीताको स्वयंवर हुने र लाखौ श्रद्धालुको वास स्थल बारहविग्घामा कुनै व्यवस्थापन गरेको देखिदैन ।
त्रेतायुगिन भगावन श्रीरामजानकीको विवाहको स्मरणमा प्रत्येक वर्ष मनाइने विवाह पञ्चमी महोत्सवमा वैवाहिक पद्धति स्वयंवर र डोला मिलन कार्यक्रम आयोजना गरिदै आएको बारहविग्हा उपमहानगरपालिकाका मेयर लालकिशोर साहको उपेक्षाका कारण अहिले फोहर र हिलाम्यमा परिणत भएको छ ।
महोत्सवमा यतिका महत्व बोकेका र श्रद्धालुहरुको वास स्थल रंगभूमि मैदान वैवाहिक कार्यक्रमको पुर्वसन्ध्यासम्म फोहरमय नै रहेको छ । न त कुनै सरसफाई गरिएको छ, न कुनै शौचालय र न शुद्ध पेयजलकै व्यवस्था गरिएकोमा स्थानीयवासीले दुख व्यक्त गरेका छन ।
स्थानीय महेन्द्र साहले भने मेयरले जनताको सरोकारकै विषय नरहेका निर्माणधिन शहीद गेटको नाममा दस करोडभन्दा बढी खर्च गरिसकेका छन । तर जनकपुरधामको अस्तित्व र करोडौ हिन्दुहरुको आस्था बोकेका बारहविग्घा मैदानलाई महोत्सवमा व्यवस्थापन गर्न एक रुपैया पनि खर्च नगरिनु उनको नैतिकताको पराकाष्टा हो ।
त्यस्तै अर्का स्थानीय संजय साहले भने मेयर साह कमीशन आउने र भ्रष्टाचारजन्य योग्य योजनामा मात्रै सिमिति रहेकोले विवाह पञ्चमी महोत्सवमा कमीशन नआउन भएकाले ध्यान नपुरयाएको आरोप लगाए । मेयरको यो चर्तिकलाले यहाँका स्थानीयको प्रतिष्ठामा मात्र होइन ऐतिहासिकतामा समेत आँच पुगेको भनी दुख व्यक्त गरे ।
अहिले बारहविग्घाको आधाभन्दा बढी क्षेत्र हिलाम्य र अस्पतालका औषधिज्य फोहोर सामाग्री फालिएको छ । व्यवस्थापनका लागि सम्बन्धित निकाय जनकपुरधाम उपमहानगरपालिकाका साथै वृहत्तर जनकपुर क्षेत्र विकास परिषदले समेत चासो देखाएको छैन । बरु जिम्मेवारीबाट पन्छिन एक अर्काको दोषारोपणमा जुटेका छन । हुनत प्रदेश सरकारले व्यवस्थापनको नाममा ५ लाख रुपैयाको बजेटमा सानो एउटा पण्डाल खडा गरेको छ ।
बृहत्तर जनकपुर क्षेत्र विकास परिषदका निर्देशक बलराम ठाकुरले रंगभूमि मैदान कसको क्षेत्राधिकारमा पर्ने विषयमा स्पष्ट नरहेकोले त्यस तर्फ आफूहरुले चासो नलिएको बताएका छन । ठाकुरले बृहत्तरसंग विवाह पञ्चमीका लागि कुनै बजेट नरहेको र उपमहनगरपालिकाले हस्तक्षेप गर्दै आएको कारणले आफूहरुले चासो नलिएको भने ।
उता उपमहानगरका उपप्रमुख रीता मिश्रले भनिन् रंगभूमि मैदानको संरक्षण गर्ने दायित्व हाम्रो रहेपनि यसको रेखदेख मुख्य रुपमा वृहत्तर जनकपुर क्षेत्र विकास परिषदको रहेको छ । यसमा संघ सरकार वा प्रदेश सरकारको पनि प्रमुख दायित्व छ, मात्रै उपमहानगरपालिकाको दोष लगाएर हुदैन ।
उनले भनिन् फोहोर व्यवस्थापनको समस्या ल्याण्डफिल्ड साइटको आभावमा रंगभूमि मैदानको मात्र नभई नगरभरिको नै रहेको छ । हामी व्यवस्थापन गरिरहेकै बेलामा विवाह पञ्चमी आइसकेको छ, सकेजति प्रयासमा जुटेकै छौं ।
विवाह पञ्चमी महोत्सव मात्र नभई विभिन्न उत्सव र समारोहका लागि समेत महत्वपूर्ण रहेका बारह विग्घा मैदान अहिले दुरावास्थामा पुग्नु उपमहानगरपालिकाको ठूला लापरवाही रहेको समाजसेवी सरोज मिश्रले बताए । उनले भने मेयर साह अहिले सडक, पिसीसी ढलानको कमीशन र भ्रष्टाचार योग्य योजनामा व्यस्त रहेको कारण महोत्सवका बेला पनि बेवास्ता गरेका हुन । बारहविग्घा मात्र होइन उनको भ्रष्टाचार काण्डले नगर समेत महिनौदेखि फोहोरमय रहेको छ ।
यो विषयमा आफ्नो प्रतिक्रिया दिनुहोस् !