जनकपुरधाम । आन्तरिक विवादका कारण हप्तैदेखि स्थगित रहेकाे वडा अधिवेशन आइतवारदेखि शुरू भएकाे छ ।
पार्टीका दुई पक्षबीचको छलफल पश्चात आज आइतबारदेखि शुरू भएकाे वडा अधिवेशनकाे पहिलाे दिन १ सय ६० देखि १ सय ६५ वडासम्ममा सर्वसहमत रुपमा नेतृत्व चयन गरिएको छ ।
सर्लाहीको निर्वाचन अधिकृत भरत बहादुर राउतले जानकारी दिंदै भने २ सय वटा वडा रहेकोमा पहिलाे दिन १ सय ६० देखि १ सय ६५ वडासम्ममा सर्वसहमतिले नेतृत्व चयन भएकाे छ भने बांकीमा भाेली साेमवार मतदान प्रक्रिया हुनेछ ।
यसैबीच वडा अधिवेशनमा सहभागी हुन पुगेका प्रदेश २ का महिला बालबालिका तथा खेलकुद मन्त्री विरेन्द्र सिंहमाथि उनकै गृह जिल्ला सर्लाहीमा आक्रमण भएकाे छ ।
नेपाली कांग्रेसका नेता अमरेश सिंहकाे निर्वाचन क्षेत्र रहेकाे बलरा नगरपालिका वडा नम्बर ९ काे अधिवेशनमा प्रमुख अतिथिकाे रूपमा पुगेका मन्त्री सिंहमाथि कांग्रेस कार्यकर्ताहरूले आक्रमण गरेका हुन ।
मन्त्रीमाथि आक्रमण भएपछि सुरक्षाका लागि मन्त्रीका सुरक्षा गार्ड रामचन्द्र खंगले एक राउण्ड गाेली हवाई फायर गरेका थिए ।
मन्त्रीकाे सुरक्षाका लागि हवाई फायर गरेका सुरक्षा गार्ड खंग र मन्त्रीका सहयाेगी रामचन्द्र महताेलाई केही कार्यकर्ताले रड प्रहार सहित कुटपिट गरि घाइते बनाएकाे जिल्ला प्रहरी प्रवक्ता कृष्ण प्रसाईले जनाएकाे छ । घाइतेकाे उपचार जिल्ला अस्पताल मलंगवामा भइरहेकाे उनले जनाएकाे छ ।
यो विषयमा आफ्नो प्रतिक्रिया दिनुहोस् !