जनकपुरधाम । आन्दाेलरत वडाध्यक्षहरूले जनकपुरधाम उपमहानगरपालिकामा लगाएकाे ताल्चा उनीहरू काठमाडाै गएकाे माैकाछाेपी मेयर लालकिशाेर साहले फुटाएका छन ।
नियमित सरसफाई र फाेहाेर व्यवस्थापनकाे मांग गर्दै आन्दाेलनमा रहेका वडाध्यक्षहरूलाई सरसफाई कर्मचारीले दुर्व्यवहार गरेपछि असन्तुष्ट वडाध्यक्षहरूले मेयर साहकाे कार्यकक्षमा तालाबन्दी गरेका थिए ।
जनकपुरधाम उपमहानगरपालिका वडा नं. ५, १६, १७, १४, १८,२४,११ सहितका वडाअध्यक्षहरुलाई लगाएर मेयर साहले आफ्ना कार्यकक्षमा लगाइएकाे ताल्चा फुटाएका छन ।
ताल्चा लगाएकाे ६ दिनसम्म मेयर साह न त एक पटक पनि कार्यालय गए, न ताल्चा खाेलाउन प्रयास गरे, बरू आफ्ना ढाल बनाएका केही कर्मचारीलाई उक्साएर उल्टै वडाध्यक्षहरू विरूद्ध नै उपमहानगरपालिकाकाे कामकाज ठप्प गराई आन्दाेलन गराउन लगाए ।
यसैबीच आन्दाेलन वडाध्यक्षहरू मेयर साहकाे राजीनामा मांग गर्दै आन्दाेलनलाई थप सशक्त बनाउने काठमाडाै गएका बेला आइतवार आफू मातहतका जसपा, पुर्व राजपा र कांग्रेसका वडाध्यक्षहरूलाई लगाएर ताल्चा फुटाएका छन ।
मेयर साहकाे कार्यकक्षकाे ताल्चा फुटे लगतै सुनुयाेजित रूपमा वडाध्यक्षहरू विरूद्ध आन्दाेलनमा रहेका कर्मचारी आन्दाेलन छाडेर काममा फर्केका छन ।
ताल्चा तोडेपछि मेयर साहले रामजानकी विवाहपञ्चमीलाई मध्यनजर गरी कर्मचारीहरुलाई कार्यमा फर्किन निर्देशन दिएपछि अौपचारिक रूपमा साेमवारदेखि कामलाई निरन्तरता दिने बताएका थिए ।
हुनत कर्मचारी एशोसिएशनका अध्यक्ष शरद लाभले हाम्रो आन्दोलन नै रहेकाे दाबी गर्दै रामजानकी विवाहोत्सवमा देशविदेशबाट पहुनाहरु आउने गरेकोले त्यसलाई मध्यनजर गरी आफूहरु काममा फर्किएको बताएका छन ।
उता मेयर साहकाे राजीनामा मांग गर्दै काठमाडाैकाे माइतीघरमा आन्दाेलनरत वडाध्यक्षहरूले घण्टाैसम्म विराेध प्रदर्शन गरेका छन ।
हिजाे शनिवार जनकपुर हिडेका वडाध्यक्षहरूले विराेध प्रदर्शनका साथै सामान्य प्रशासन मन्त्रालयमा उपमहानगरपालिकाकाे दुरावास्था बारे जानकारी गराउंदै हरहिसाब पारदर्शी र फाेहर व्यवस्थापन सहित माग गर्दै ज्ञापन पत्र बुझाएका छन भने साेमवार प्रधानमन्त्रीकाे कार्यालय लगायतका सम्बन्धित निकायमा ज्ञापन पत्र बुझाउने छ ।
आन्दाेलनरत पक्ष मध्येका वडा नं. ७ का अध्यक्ष जानकीराम साहले भने फाेहर व्यवस्थापनकाे कुनै निष्कर्ष वा समस्याका लागि छलफल नगरी आफू जनकपुरधाममा नरहेकाे बेला मेयर साहले ताल्चा फुटाएर ठुलाे गल्ती गरेकाे छ ।
समस्या समाधान नगरी झन जुधाउने गरि मेयरले गरेकाे कार्य लाेकतन्त्रिक पद्धतिकाे मानमर्दन गरेकाे आराेप लगाए ।
त्यस्तै वडा नं. ४ का अध्यक्ष सुदर्शन सिंहले आन्दाेलनकारीकाे मांगलाई बेवास्ता गरि चाेरीछिपे ताल्चा फुटाएर चुनाैती दिन खाेजेकाे आराेप लगाउंदै भने आफुहरू जनकपुर आएपछि आगामी विवाह पञ्चमीमा कुनै असर नपर्ने गरि आन्दाेलनकाे पारूप तयार पार्ने भने ।
यो विषयमा आफ्नो प्रतिक्रिया दिनुहोस् !