गौर । अख्तियार दुरुपयोग अनुसन्धान आयोगले रौतहटको सदरमुकाम गौर नगरपालिकामा छापामारी गरेको छ ।
आयोगको टोलीले छापामारीको क्रममा गौर नगरपालिकाको केही आवश्यक कागजातहरू घण्टौसम्म चेकजाँच गरेको छ ।
नगरपालिकाका योजनाहरूमा व्यापक अनियमितता भएको उजुरीको आधारमा अख्तियार दुरुपयोग अनुसन्धान आयोग बर्दिबासको टोलीले झण्डै एक घण्टासम्म नगरपालिकामा फाइलहरू जाँच गरेको जनाइएको छ ।
गौर नगरपालिका वडा नम्बर २ को शिवालय मन्दिर निर्माण र गौर ५ मा निर्माणाधीन कलाकुन्ज पुस्तकालयमा आर्थिक हिनामिना लगायतका विषयमा आयोगमा परेको उजुरीको अनुसन्धानका लागि बर्दिबासको टोली गौर नगरपालिका पुगेको थियो ।
यो विषयमा आफ्नो प्रतिक्रिया दिनुहोस् !