जनकपुरधाम । हत्या गर्ने उद्देश्यले आक्रमण गर्ने समुहले घटनालाई ढाकछाेप गर्न उल्टै पिडितलाई नै फंसाउने गरि सिसिटीभी फुटेजलाई एडिट गरि सार्वजनिक गरिएकाे दाबी गरिएकाे छ।
कुटपिटबाट घाइते व्यवसायी श्रवण साहका परिवारजनले आक्रमणकारी समुहले घटनालाई ढाकछाेप गर्न उल्टै आफ्नाे छाेरालाई फंसाउन पसल बाहिरकाे सिसिटिभी फुटेजलाई एडिट गरि सार्वजनिक गरिएकाे दाबी गरेका छन ।
श्रवणका दाजु जयकुमार साहले कुटपिटबाट घाइते आफ्नाे भाई उपचाररत रहेको बेला घटनालाई ढाकछाेप गर्न उल्टै दोषी साबित गर्न का लागि सुरज गुप्ताको पसल अगाडीको सीसी टिभी फुटेज भाईरल गरिदैे आएकाे भने ।
उनले भने सो भीडियोमा श्रवण होहल्ला गरिरहेको देखिन्छ । तर उनलाई कुटपपीटको भीडियो भने त्यसमा देखिदैन । प्रत्यक्षदर्षीहरुका अनुसार श्रवणलाई पसल भित्र कुटपीट गरिएको हाे । सत्यतथ्य बुझ्नका लागि पसल भित्रको फुटेज सहित एडिट नगरिएका सिसिटिभी फुटेज निकाल्नु परयाे।
केही दिन अगाडी जनकपुरधामकाे जानकी चोकस्थित मानसी ब्यूटी पार्लरकी सञ्चालिका मनिसा ठाकुर र उनका पूर्व पति श्रवण साहबिच उग्र भएपछि मनिसाका प्रेमी सुरज गुप्ता उनका बुवा अमर गुप्ता मरनासन्न गरि कुटपिट गरेकाे घटना बाहिरिएकाे थियाे ।
आफु काठमाडौं गईरहेका बेला मनिसाले फोन गरी बोलाएको र उनले आफ्नाे प्रेमी गुप्ताद्वारा याेजनाबद्ध तरिकाले कुटपिट गरी घाइते बनाएकाे साहले घटनाका दिन संचारकर्मीहरूलाई जनाएकाे थियाे भने मनिसा र श्रवणबीचकाे टेलिफाेन कल रेकर्ड समेत बाहरिएकाे थियाे ।
श्रवणलाई मार्ने हिसाबले नै बोलाईएको परिवारजनको भनाई छ । श्रवण जनकपुरका चर्चित युवा व्यवसायी हुन् । उनी होटेल राजदरवारका संचालक हुुन् । श्रवण साहलाई मनिषाकै कारण व्यवसायी सुरज गुप्ताले मार्ने प्रयास गरेको पिडित परिवारकाे भनाई छ ।
आराेपित गुप्ता जनकपुरधामस्थित चन्दा गार्मेन्टका संचालक हुन । प्रेमीकाकै कारण युवा व्यवसायी साह माथि गुप्ता, उनका बुवा र कर्मचारीहरुले फलामे छड प्रहार गरी सख्त घाइते बनाएकाे आराेप लगाइदै आएकाे छ ।
श्रवणको टाउकोमा चोट लागेको थियो । हाल उनकाे उपचार काठमाडौँस्थित मेडासिटी अस्पतालमा भईरहेको छ ।
यो विषयमा आफ्नो प्रतिक्रिया दिनुहोस् !