जनकपुरधाम । प्रदेश २ का मुख्यमन्त्री लालबाबु राउतकाे पक्ष विपक्षमा प्रदर्शन शुरू भएकाे छ ।
शनिवार बेलुका मसख्यमन्त्री राउतकाे पक्षमा जनकपुरधाम सहित प्रदेशका ८ वटै जिल्लामा अनियमितता भएकाे भन्दै अख्तियार दुरूपयाेग अनुसन्धान आयाेगले गरेकाे छापामारीकाे विराेधमा सतारूढ दल जनता समाजवादी पार्टी (जसपा) का नेता कार्यकर्ताहरूले मशाल जुलुस प्रदर्शन गरेका छन ।
प्रदेशकाे गाैरवकाे आयाेजना भनिएकाे बेटी बचाउ बेटी पढाउ अभियान अन्तर्गत कक्षा ८ मा अध्ययनरत छात्राहरूलाई वितरणका लागि किनिएकाे साइकलमा अनियमितता भएकाे भन्दै अख्तियारले बुधवार छापा हानेकाे थियाे ।
छापामारीकाे क्रममा साइकल खरीद तथा वितरण सम्बन्धी सम्पुर्ण कागजातहरू नियन्त्रणमा लिई अनुसन्धानका लागि संगै लगेका छन ।
घटनाकाे दुई दिनपछि मुख्यमन्त्री सम्बद्ध दल जसपाले मुख्यमन्त्री राउतकाे बचाउका लागि अनुसन्धान प्रक्रिया मत्थर पार्न राजनितीक रूपमा मशाल जुलुस र विराेध प्रदर्शन सहितका दुई दिने विराेध कार्यक्रम आयाेजना गरेका छन । जसकाे पहिलाे दिन शनिवार मशाल जुलुस प्रदर्शन गरिएकाे छ भने आज विराेध प्रदर्शन हुने भएकाे छ ।
उता राष्ट्रिय एकताअभियानले मदरशा विधेयक खारेजकाे मांग गर्दै बाराकाे कलैयामा मुख्यमन्त्री राउतकाे पुत्ला दहन गरेकाे छ ।
अभियानका केन्द्रीय अध्यक्ष विनय यादवले भ्रष्टाचारमा लिप्त मुख्यमन्त्री राउतले पाकिस्तानको इशारामा प्रदेश २ लाई तालिबान बनाउन खोजिएकोमा विराेध स्वरूप तत्काल राजीनामाकाे माग गर्दै पुत्ला दहन गरिएकाे बताए ।
उनले भने, ‘पछिल्लो समय मुख्यमन्त्री राउतले मदरसा शिक्षा विधेयक ल्याएर प्रदेशलाई तालिबान बनाउन खोजेका छन्, यस्ता भ्रष्ट मुख्यमन्त्रीलाई पदमा बसी राख्न कुनै औचित्य छैन।’
मुख्यमन्त्री राउत पाकिस्तानी प्रधानमन्त्री इमरान खानको एजेण्ट भएर नेपालमा काम गरिहेकोका आराेप लगाउंदै खानकाे पनि पुत्ला दहन गरिएकाे उनले बताए ।
प्रदर्शनको क्रममा, इमरान खान मुर्दावाद, मदरसा शिक्षा विधेयक फिर्ता गर, प्रदेशलाई तालिबान बनाउने मुख्यमन्त्री राजीनामा दे, सुरक्षा दिन नसक्ने मुख्यमन्त्री मुर्दावाद, भ्रष्ट कमिसनखोर मुख्यमन्त्री राजीनामा दे र संघीय हिन्दू गणतन्त्र जिन्दावाद भन्दै मुख्यमन्त्री राउतविरुद्ध चर्को नाराबाजी लगाइएको थियो ।
यो विषयमा आफ्नो प्रतिक्रिया दिनुहोस् !