जनकपुरधाम । पुर्व युवराज्ञी हिमानी शाहले छात्राहरुलाई खानेपानी सामाग्री पानी प्यूरिफाइर बोतल वितरण गरेकी छिन ।
सोमवार एक कार्यक्रमका बीच उनी आफै संचालन गरेकी ट्रष्टद्वारा जनकपुरधाम स्थित श्री सकल भवन कन्या माध्यमिक विद्यालयमा अध्ययनरत छात्राहरुलाई पानी शुद्ध गर्ने पानी प्यूरिफाइल बोतल वितरण गरेको छ ।
पानी बोतल वितरण अघि पूर्व युवराज्ञी शाहले सो विद्यालयमा छात्राहरुसँग अन्तरक्रिया समेत गरेकी छिन । अन्तरक्रियाको क्रममा विद्यार्थीहरुले जीवनलाई कसरी राम्रो गर्न सकिन्छ राखेको जिज्ञासामा उनले जीवनमा राम्रो गर्न धेरै विकल्प रहेको बताउंदै पहिले त्यति विकल्प थिएन तर अहिले डाक्टर, इन्जिनियर, व्यवस्थापन सहित एक्सट्रा क्रियाकलाप गर्न सकिने सुझाव दिएकी थिइन ।
विद्यार्थीहरुसँग अन्तरक्रिया पश्चात विद्यालयका प्रधानाध्यापकले विद्यालयमा रहेको समस्या बारे ब्रिफिङ्ग गरेका थिए । कार्यक्रममा ट्रष्टका उत्तम निरौलाले आफ्नो संस्थाले समाजिक विकासका लागि विभिन्न पाँचवटा क्षेत्रमा काम गरिरहेको बताए ।
उनले देशैभरि शिक्षा क्षेत्रमा काम गर्दै आएका ट्रष्टले अब मिथिला क्षेत्रमा शैक्षिक विकासमा टेवा पुरयान जनकपुरधामबाट यो सानो प्रयास शुरु गरिएको भने । निरौलाले हाल चापाकलको पानीमा आइरन, आरसेनिक लगायतका वैकटेरिया समस्याले अशुद्ध हुने गरेको कारण यहाँका विद्यार्थीलाई सो पानी सेवन गर्दा स्वास्थ्यमा असर परिरहेको दृष्टिगत गर्दै ट्रष्टले अशुद्ध पानीलाई शुद्ध पार्ने सामाग्री वितरण गरेको बताए ।
यो विषयमा आफ्नो प्रतिक्रिया दिनुहोस् !