हिमानी भ्रमणले जानकी मन्दिरमा ब्लायक आउटकाे असर परेन

जनकपुरधाम । संविधान विरूद्ध मधेश केन्द्रित दल लाेकतान्त्रक समाजवादी पार्टीले आह्वान गरेकाे असर पुर्व युवराज्ञी हिमानी शाहकाे जनकपुर भ्रमणले जानकी मन्दिरमा असर परेकाे छैन ।
संविधान दिवसका दिनलाई कालाे दिनकाे रूपमा मनाउने लाेसपाकाे विराेध कार्यक्रम अन्तर्गत प्रदेशभरि आह्वान गरिएकाे ब्लायक आउटकाे समय हिमानीकाे स्वागतका लागि जानकी मन्दिर झिलिमिली बल्बले चकमक उज्यालाे पारिएकाे थियाे ।
ब्लायक आउटकाे समय सांझ साढे ६ बजे जनकपुरधाम नगरमा बती निभाइएपनि साे मन्दिरमा पुर्व युवराज्ञी हिमानी पुजा अर्चना गरिरहेकाे मन्दिरकाे बती निभाइएन । ब्लायक आउटकाे समय लाेसपा नेता कार्यकर्ताहरू जनक चाेकदेखि बजार क्षेत्रमा पसलहरू बती निभाउंदै घुमिरहेका थिए भने यता चकमक उज्यालाेमा हिमानीकाे भव्य स्वागत सहित “राजा आउ देश बचाउ” काे नारा मन्दिरमा गुञ्जिरहेकाे थियाे ।
खानेपानी सामाग्री वितरणका लागि एक ट्रष्टद्वारा साेमवार आयाेजना हुन लागेकाे कार्यक्रममा सहभागी हुन पुर्व युवराज्ञी हिमानी जनकपुरधाम आएकी हुन ।
एयरपाेर्टदेखि उनी ठहरेकी हाेटल सीताशरणसम्म र जानकी मन्दिरमा पूजा अर्चनाका लागि गइरहेकाे बेला हाेटलदेखि जानकी मन्दिरसम्म नगरभरि राजा समर्थकहरूले राजा आउ देश बचाउका नारा लगाएका थिए ।
यसअघि राजा समर्थक संस्था नेपाल राष्ट्रिय नागरिक समाजले संविधानकाे विराेध सहित २०४७ सालकाे संविधान लागू गर्न माग गर्दै विराेध प्रदर्शन गरेका थिए ।
जनकपुर भ्रमणकाे क्रममा आउने बितिकै उनी जानकी मन्दिरमा बेलुका पुगेर विशेष पूजा अराधना गरेकी छिन भने सोमबार जनकपुरधामको कन्या मावि स्कुलमा खानेपानी सम्बन्धि सामाग्री वितरण गर्नेछिन ।
पूर्व युवराज्ञी हिमानीको स्वागतका लागि मन्दिर झिलीमिली बत्तिले झकिझकाउ पारिएको थियो भने रेड कार्पेट समेत उनको स्वागतका लागि व्यवस्था गरिएको थियाे ।