जनकपुरधाम, भदौ २४ गते । आम नागरिकका लागि अहोरात खटदै आएका सामाजिक युवा अभियन्ता दिपक ठाकुरले विकास निर्माणमा फड्को मार्न राजनीतिक रुपले अघि पाइला टेक्न शुरुवात गरेका छन ।
उनले कांग्रेस आगामी हुन गइरहेको १४ औं महाधिवेशनमा जनकपुरधाम उपमहानगरपालिका वडा नम्बर ८ को सभापतिमा उम्मेदवारी दिने घोषणा गरेका छन ।
अभियन्ता ठाकुरले भने समाजको सेवाप्रति युवाहरुको भूमिकाविहिन अवस्थामा नै उतरदायी भई काम गर्दै आएकोमा नेतृत्व पाएको खण्डमा समाजिक विकासमा अझ प्रभावकारी भूमिका निर्वाह गर्न सक्ने भएको हुनाले अबको नेतृत्व युवाको काँधमा दिनुपर्नेछ ।
उनले भने आफू बिना कुनै पदमा रहेर गत वडाको विकासका लागि सरसफाईदेखि बाटोघाटोमा करीब ७/८ वर्षदेखि अभियानकै रुपमा कार्य गर्दै आएका छौं । वडामा सरसफाईका लागि संस्थागत रुपमा टोल सुधार समिति गठन गरी कार्य अघि बढाएर चर्चामा आएका अभियन्ता ठाकुरले ज्यानको परवाह नगरी व्यक्तिगत र संस्थागत रुपमा कोरोना महामारीका बेला वडावासी मात्र होइन धनुषा जिल्लाकै जनताका लागि २४ औं घण्टा दिनरात खटेर समाजिक दायित्व निर्वाह गरिसकेका छन ।
कोभिड महामारीका बेला जनकपुरधाम लगायतका क्षेत्रमा सक्रिय भएर सहयोग गर्दै पिडितहरुलाई राहत वितरण तथा सहयोगका कार्यहरु गरेकोमा उनी कोभिड हिरोको अवार्डबाट समेत सम्मानित समेत भइसकेका छन । समाजिक अभियन्ताको रुपमा काम गर्दै आएका ठाकुर कोभिड हिरो अवार्ड जस्ता कयौं सम्मान पाइसकेका छन ।
पार्टीका वातावरण, जलवायु परिवर्तन तथा विपत व्यवस्थापन विषयगत समितिका विज्ञ समेत रहको अभियन्ता ठाकुरले देशले बर्षौदेखि युवाको नेतृत्व नपाएकाले उल्लेख्य रुपमा देशको विकास र समृद्धिमा योगदान पुग्न नसकेकोले अबको नेतृत्व युवा पुस्तामा हस्तान्तरण गर्नुपर्ने बताए ।
तपाईको उम्मेदवारी किन र के का लागि भन्ने जिज्ञासामा अभियन्ता ठाकुरले भने वर्षौदेखि सिमित व्यक्तिले पद खोसेर समाजका लागि न त आफू केही गर्न सकेका छन न कसैलाई अवसर नै दिएका छन । आफू बिना कुनै पदकै वडावासी सहित समाजका लागि वर्षौदेखि काम गर्दै आएका छौं । पदमा गएपछि त्यसलाई राजनीतिक र संस्थागत रुपमा विकासका थप कामहरु प्रभावकारी रुपले अघि बढाउन उम्मेदवारी दिने घोषणा गरेका हौं ।
उनले आफू निर्वाचित भएपछि आफ्नो अनुभव सहित अनुभवी व्यक्तिबाट अनुभव लिदै युवाहरुको साथ र सहयोगका साथै अघि बढनेछौं । यसमा सबैको साथ सहयोग पाउने अपेक्षा राखेका छौं र आफूले समाजप्रति निर्वाह गरेको भूमिकाले पनि सहयोग गर्नेछ भन्ने विश्वास छ ।
ठाकुरले युवाको उम्मेदवारी कसैलाइ हराउन या झुकाउन नभै आमुल परिवर्तन र समाज राष्ट्रलाइ समृद्ध बनाउनका लागी नै युवाले आफ्नो नेतृत्व खोजेको बताएका छन ।
यो विषयमा आफ्नो प्रतिक्रिया दिनुहोस् !