जनकपुरधाम, भदौ १६ गते । प्रहरीका लागि खरिद गरिएकाे बारूण यन्त्र प्रहरी शर्त नमानेपछि प्रदेश २ सरकारले स्थानीय तहलाई दिएकाे ट ।
गत आर्थिक वर्ष २०७७/०७८ मा प्रदेश २ को पुर्व आन्तिरक मामिला तथा संचार मन्त्री ज्ञानेन्द्र यादवले प्रदेश प्रहरी कार्यालय र ८ वटै जिल्ला प्रहरीका लागि करीब ४ कराेडकाे लागतमा ९ वटा वारूण यन्त्र किनेकाे थियाे ।
तर वर्तमान मन्त्री भरत साहले राखेकाे शर्त प्रहरी कार्यालयले नमानेपछि लामाे समयपछि सता साझेदार दल जसपा र माओवादी केन्द्रका स्थानीय तहलाई हस्तान्तरण गरेकाे छ ।
बुधवार एक कार्यक्रमका बीच ४ वटा स्थानीय तह र एउटा नेपाली सेनालाई गरि ५ वटा वारूण यन्त्र हस्तान्तरण गरेकाे छ ।
मन्त्रालयका धनुषाकाे गणेशमान चारनाथ नगरपालिका, महाेतरीकाे रामगाेपालपुर नगरपालिका, सम्सी गाउंपालिका, पर्साकाे परसाैनी गाउंपालिमा र महाेतरी स्थित नेपाली सेना मध्यपुर्वी पृतना हेडक्वाटर बर्दिवासलाई साे वारूण यन्त्र हस्तान्तरण गरिएकाे हाे ।
गणेशमान चारनाथ नगरपालिका प्रमुख रामबाबु यादव, महोतरी रामगोपालपुर नगरपालिकाका प्रमुख अशोक मण्डल र सम्सी गाँउपालिकाका उपप्रमुख नगिना देवी यादव सहितकाले बारुण यन्त्र बुझेकाे बताइएकाे छ ।
धनुषाकाे गणेशमान र पर्साकाे परसाैनी जसपाले जितेकाे स्थानीय तह हाे भने महाेतरीकाे रामगाेपालपु र सम्सी माओवादी केन्द्रकाे स्थानीय तह हाे ।
मन्त्री साहले आवयश्क रहेका निकायहरुले मांग गरे बमोजिम बारुण यन्त्र हस्तान्तरण गरिएको बताए । मन्त्री साहले विपद व्यवस्थापनको व्यवस्थापनमा राज्यका साथै समाजका हरेक निकाय र अंगको सहयोग आवश्यक हुने बताए ।
यसअघि पनि ४ वटा बारूण यन्त्र जिल्ला प्रहरी कार्यालयलाई नभई प्रहरीकै अन्य निकाय विरगंज स्थित विपदव्यवस्थापन केन्द्र, धनुषाको ढल्केवरमा रहेको नेपाल प्रहरीको गण, सप्तरीको राजविराजमा रहेको प्रहरी तालिम केन्द्र र सशस्त्र प्रहरीको प्रदेश कार्यालय गरी ४ वटा हस्तान्तरण गरिएको थियो
पुर्व मन्त्री ज्ञानेन्द्र यादवले जिल्ला र प्रदेश प्रहरीका लागि ती बारूण यन्त्र किनेकाे थियाे । तर वर्तमान मन्त्री साहले प्रहरी कार्यालयलाई ईन्धन, चालक लगायतका कर्मचारी र मरम्मत सम्भार व्यवस्थान आफै गर्ने शर्त राखेपछि तिनीहरूले लिन अस्वीकार गरेकाे मन्त्रालय श्राेतले जनाएकाे छ ।
यो विषयमा आफ्नो प्रतिक्रिया दिनुहोस् !