जनकपुरधाम, भदौ १६ गते । नयाँ दल दर्ता भएपछि दल रोज्न प्रदेश २ मा प्रदेश सांसदहरुको सनाखत आजदेखि शुरु भएको छ ।
बुधवार जनता समाजवादी पार्टीबाट विभाजन भएर नयाँ पार्टी बनेको लोकतान्त्रिक समाजवादी पार्टीका लागि १० प्रदेश सांसदले सनाखत गरेका छन भने एमालेबाट विभाजित भएका नेकपा एकीकृत समाजवादी पार्टीले भोली बिहीवार सनाखत गर्नेछ ।
नयाँ दल दर्ता भएपछि निर्वाचन आयोगले जनप्रतिनिधि तथा सांसदहरुलाई दल रोज्न २२ गतेसम्मको समयावधि दिएकोमा जनकपुरधाम स्थित निर्वाचन आयोगको प्रदेश कार्यालयमा पुगेर पुर्व राजपाका ११ जनाले सनाखत गरेका हुन ।
सो अनुरुप लोसपाको पक्षमा सुरिता साह, जयनुल राइन, बबिता चौधरी, निलम देवी भूमिहारिन, अलका झा, गौरीनरायाण साह, जानकीशरण साह, परमेश्वर साह, रमेशप्रसाद कुर्मी र बाबुलाल साह सनाखत गरेका छन ।
लोसपाका पक्षमा पुर्व राजपाका २५ जना प्रदेश सांसद मध्ये हाल १५ जना लोसपाको पक्षमा खुलेका छन । १५ जना मध्ये बांकी रहेका डिम्पल झा, अभिराम शर्मा, जितेन्द्र सोनल र उपेन्द्र महतोले भदौ २२ गतेसम्म सनाखत गर्नेछ भने सभामुख सरोजकुमार यादव पनि लोसपामा रहेको दाबी गरिदै आएको छ ।
कस कसले रोजे जसपा
प्रदेश २ को प्रदेशसभामा तत्कालिन समाजवादी पार्टीबाट ३० र तत्कालिन राजपाको तर्फबाट २५ गरी जसपाको कुल ५५ प्रदेशसभा सदस्यहरु रहेको थियो । जसमध्ये पुर्व राजपा परित्याग गरी १० जना सांसद जसपामा गइरकेको छ ।
राजपाबाट समानुपातिबाट ५ र प्रत्यक्षतर्फ निर्वाचितबाट ५ जना गरी १० सांसद जसपामा गएका छन । पुर्व राजपाका समानुपातिकबाट निर्वाचित हुने रामनरेश राय, डा. रिना यादव, अन्जु कुमारी यादव, निरा साह, र नेत्रविक्रम साह तथा प्रत्यक्षबाट निर्वाचित विदेश्वर प्रसाद साह (विक्की), मनिष सुमन, नवल किशोर साह, सुरेश कुमार मण्डल र रानीशर्मा तिवारी जसपामा गएका छन ।
जसपामा जानेहरु समानुपातिकतर्फ महेन्द्र राय यादवको कोटाबाट रामनरेश राय र राजेन्द्र महतोको कोटाबाट डा. रिना यादव, अन्जु कुमारी यादव, निरा साह र राजकिशोर यादवको कोटाबाट नेत्रविक्रम साह निर्वाचित भएको थियो ।
समाजवादीले किन समय अघि सारयो
हुनत बुधवार नेकपा एकीकृत समाजवादी पार्टीलाई निर्वाचन आयोगले समयावधि दिएको थियो । तर तयारी अपुग भएको कारण उनीहरुले बिहीवारका दिन रोजेका छन ।
नेकपा एकीकृत समाजवादी पार्टीका सांसद शत्रुध्न महतोले भने हुनत भदौ २२ गतेसम्म कुनैपनि दिन सनाखत गर्नेछ । सो आयोगसँग हामीले बुधवारका लागि समय लिएका थियौं तर केही साथीहरु बाहिर रहेको कारण बिहीवारका लागि दिन तोकेका छौं ।
यो विषयमा आफ्नो प्रतिक्रिया दिनुहोस् !