जनकपुरधाम, भदौ १२ गते । भ्रष्टाचारीहरुको फोटो मन्दिर परिसरमा झुण्डयाउन पाइदैन भनी विभिन्न अभियानको नारा लेखािएका मुख्यमन्त्री लालबाबु राउतको फोटो सहितको होर्डिंग बोर्ड युवाहरुले जानकी मन्दिर परिसरबाट च्यातेर फालेका छन ।
स्वच्छता अभियान र बेटी बचाउ, बेटी पढाउ अभियानको नारा सहित प्रचार प्रसारका लागि जानकी मन्दिरमा झुण्डयाइएको होर्डिंग बोर्ड शनिवार स्थानीय युवाहरुले भ्रष्टाचारीहरुको पोस्टरले मन्दिर परिसर फोहर गर्न पाइदैन भनी च्यातेर हटाएका छन ।
स्थानीय युवा सरोज मिश्रको अगुवाईमा युवाहरुले शनिवार मुख्यमन्त्री राउतको फोटो सहितको होर्डिंग बोर्ड संगै सौर्य सिमेन्ट लगायतका व्यवसायिक होर्डिंग बोर्ड समेत च्यातेर हटाएका छन ।
अभियन्ता मिश्रले स्वच्छता अभियान र बेटी बचाउ बेटी पढाउको नाममा नाममा मुख्यमन्त्री लालबाबु राउतले करोडौं रुपैया भ्रष्टाचार गरेको र जानकी मन्दिरमा पोस्टर लगाएर मन्दिरलाई कुरुप बनाउन खोजेको ती बोर्डहरु हटाइएको बताए ।
स्वच्छता अभियान र बेटी पढाउ अभियान चलाएर मुख्यमन्त्री राउतले आफन्त र पार्टी कार्यकर्ताहरुको भर्ती केन्द्र बनाएको तथा अनियमितताको अखाडा बनाएकोले यस्ता भ्रष्टाचारसँग आबद्ध अभियानको पोष्टर मन्दिरमा लगाउनु उचित नरहेकोले आफूहरुले सो पोष्टर च्यातेर फालेको मिश्रले भने ।
उनले उपरान्त जानकी मन्दिर लगायतको कुनैपनि धार्मिक पर्यटकिय स्थलको परिसर वा पर्खालमा धार्मिक प्रचार बाहेक अन्य कुनैपनि किसिमको व्यवसायिक वा गैर व्यवसायिक प्रचार प्रसार होर्डिंग बोर्ड लगाएर गर्न पाउने छैन, यदि लगाइएको देखिए भने यसरी च्यातेर फाल्ने चेतावनी समेत उनले दिए ।
यो विषयमा आफ्नो प्रतिक्रिया दिनुहोस् !