जनकपुरधाम । यही भदौ १२ गते शनिबारका दिन जनकपुरधामस्थित महावीर युवा कमिटीको नयाँ नेतृत्वका लागि हुन लागेको निर्वाचनमा अध्यक्ष पदका उम्मेदवार प्रदीप भगतले आफू निर्वाचित कमिटीको विकासका लागि काम गर्ने प्रतिबद्धता जनाएको छ ।
संचारकर्मीहरुसँग कुरा गर्दै अध्यक्षका उम्मेदवार भगतले आफू निर्वाचित भएपछि राजदेवी पुजा व्यवस्थापनको भव्यतालाई निरन्तरता दिदै यहाका युवाहरुका लागि खेलकुद, स्वास्थ्य र रोजगारीका लागि काम गर्ने भने ।
उनले भने कुनै समयमा खेलकुद क्षेत्रमा महावीर युवा कमिटीको छुट्टै पहिचान थियो । कमिटीसँग आबद्ध खेलाडीहरु राष्ट्रिय÷अन्तराष्ट्रि स्तरसम्म पुगेको थियो । तर अहिले खेलकुदप्रति पदाधिकारीहरुको कुनै चासो छैन । आफू अध्यक्ष पदमा जितेपछि क्रिकेट र फुटबल जस्ता खेलको विकास गर्दै कमिटीको पुरानै गरिमा कायम गराउने छु ।
यसका साथै समय समयमा विभिन्न स्वास्थ्य शिविर संचालन गर्नुका साथै कमिटीका लागि एउटा आफ्नै एम्बुलेन्स संचालनको व्यवस्था गर्नेछु । उनले भने आफ्नो प्राथमिकतामा यहाँका युवायुवतीका लागि खेलकुद, स्वास्थ्य र रोजगारी प्राथमिकता रहेको छ ।
रोजगारीका लागि सिलाई कटाई, ब्यूटिशियन, कम्प्युटर सहित विभिन्न व्यवसायिक सीपमुलुक तालिमको व्यवस्थापन गराउनेछु । सीप हासिल गरेका युवायुवतीहरुका लागि नेपाल तथा प्रदेश सरकारद्वारा दिइने व्यवसायिक सहुलियत ऋण दिलाउन सम्बन्धित निकायसँग समनव्य गरी सहयोग गर्नेछु ।
भगवत कमिटीसँग २० वर्षदेखि आबद्ध छन । उनी कमिटीद्वारा आयोजित राजदेवी पुजनोत्सव सहित विभिन्न कार्यक्रमको मूल कमिटीको संयोजक पदमा कार्य गरिसकेका छन । यसका साथै कार्यकारिणी सदस्य र महासचिव पदमा समेत निर्वाचित भई आफ्नो कार्यकाल सफलतापुर्वक सम्पन्न गरिसकेका छन ।
उनले भने आफूले विगतमा कमिटीका लागि पुरयाएको योगदान र कार्यप्रति सबै सन्तुष्ट छन, अब कमिटीको नेतृत्व तहमा पुगेर आफू यहाँका सम्पूर्ण युवाहरुको हकहितको विकासका लागि दिनरात मेहनत गर्नेछु र यसमा सबै मतदाता र पुर्व पदाधिकारीहरुको साथ र सहयोग रहने विश्वास व्यक्त गरे ।
चार सय २८ जना सदस्य आवद्ध रहेको सो कमिटीमा ११ पदका लागि २६ जनाले उम्मेदवारी दिएका छन भने अध्यक्ष पदमा मात्रै भगत सहित ४ जनाको उम्मेदवारी रहेको छ ।
यो विषयमा आफ्नो प्रतिक्रिया दिनुहोस् !