काठमाडाै, साउन ३१ गते । तालिवान विद्रोहीले अफगानिस्तानको शासन सत्ता मात्रै हाेइन राष्ट्रपति कार्यालय समेत कब्जा गरेका छन् ।
राष्ट्रपति असरफ घानीले देश छाडेपछि तालिबानी विद्रोहीले राष्ट्रपति कार्यालय कब्जा गरेका हुन् । साथै तालिबान विद्रोहीले राष्ट्रपति कार्यालयमा आफ्नो झण्डा गाडेका बीबीसीले जनाएको छ ।
राष्ट्रपति घानीले देश छाडेपछि सहजै रुपमा तालिबानले राष्ट्रपति कार्यालय कब्जा गरेको पनि बीबीसीले जनाएको छ ।
यसैबीच विद्रोही संगठन तालिवानले सत्ता कब्जा गरेपछि समस्यामा परेका नेपालीलाई अफगानिस्तानबाट स्वदेश फर्काउन सरकारले कार्यदल गठन गरेको छ । तर साे कार्यदलले कहिलेदेखि कसरी काम गर्ने विषयमा केही जनाएकाे छैन ।
अफगानिस्तानकाे अवस्था खराब हुँदै गएपछि भारत, भुटान, बंगलादेश लगायतका दर्जनाै देशहरू आ आफ्ना नागरिककाे उद्धार गर्दै फर्काइरहेका छन तर नेपाल समाचार लेख्दासम्म कार्यदलमै सिमित रहेकाे थियाे ।
परराष्ट्र मन्त्रालयले आइतबार एक विज्ञप्ति जारी गरेर परराष्ट्र मन्त्रालयका मध्य एसिया, पश्चिम एसिया तथा अफ्रिका महाशाखाका प्रमुखको संयोजकत्वमा कार्यदल गठन गरिएको र अफगानिस्तानमा समस्यामा परेका नेपालीलाई स्वदेश फर्काउने पहल सुरु भएको जनाएको हो ।
यसका लागि अफगानिस्तानमा रहेका नेपाली र उनीहरुका परिवारलाई विवरण उपलब्ध गराउन सरकारले आग्रह गरेको छ ।
साथै परराष्ट्र मन्त्रालयले अफगानिस्तानमा रहेका नेपालीहरुको बारेमा तत्काल बुझ्ने काम, उनीहरुलाई सुरक्षित राख्ने र यसबारे आवश्यक जानकारी अपडेट गराउनका लागि दिल्लीमा रहेको नेपाली दुतावासलाई निर्देशन दिएको छ ।
साथै अफगानिस्तानमा नेपाली कामदार पठाउने म्यानपावर व्यवसायी र कम्पनीलाई उनीहरुको बारेमा विवरण उपलब्ध गराउन पनि सरकारले आग्रह गरेको छ ।
यो विषयमा आफ्नो प्रतिक्रिया दिनुहोस् !