जनकपुरधाम, असार २३ गते । प्रदेश २ का प्रदेशसभा सदस्य रानीकुमारी तिवारीलाई चकवाका स्थानीय युवाहरुले लखेटेका छन् ।
महोत्तरी क्षेत्र नम्बर ३ (ख) बाट जसपाका प्रदेशसभा सदस्य रहेकी तिवारीलाई आफ्नै निर्वाचन क्षेत्रका मंगलवार सांझ जनताले लखेटेका हुन ।
विकास निर्माणको काममा व्यापक अनियमितता गरेकोले निर्वाचन क्षेत्रमा निरिक्षण गर्न गएको बेला स्थानीय युवाहरुले उनलाई चौतर्फी रुपमा घेरावन्दीमा पारेका थिए ।
थरुवाही–चकवा सडक निर्माण भईरहेको क्रममा विवाद हुँदा सांसद साह जलेश्वर नगरपालिकाका मेयर रामशंकर मिश्र र एकडारा गाउँपालिकाका अध्यक्ष रामछविलासहित त्यहाँ पुगेका थिए ।
सो क्रममा स्थानीय युवाहरुले गाउँको अन्य सडकखण्डको अवस्था पनि अत्यन्त खराब रहेको र गाउँभरि हिलो नै हिलोका कारण जनता दुःख भोग्न बाध्य रहेको अवस्थामा उनीहरुलाई पनि गाडीमा चढेर नभई पैदल हिँडेर मात्र निरिक्षण गर्न दवाव दिएका थिए ।
सोही क्रममा सांसद तिवारीसँगै रहेका सत्येन्द्र यादव भन्ने व्यक्तिले स्थानीय युवाहरुसँग विवाद समेत गरेका थिए ।
स्थानीयले श्याम रायले भने,‘नेता भएपछि जनताका लागि विकास नगर्दा जनताले नेतालाई गाली गर्नसक्छ । तर सो क्रममा उनका समर्थकले स्थानीयसँग झगडा गर्नु उचित हाेइन ।’
उनले भने सांसद तिवारीले सडक निर्माणका लागि बजेट दुई वर्षदेखि निकासा गर्दै आएकाे छ तर काम नगरी महिनाैदेखि बाटाेमा माटाे थन्काएर राख्दा वर्षातले पुरै गाउँ नै हिलामय बनेकाे कारण आवत जावतमा समस्या भइरहेकाेले गुनासाे राख्न खाेज्दा उनका समर्थकले उल्टै विवाद गर्दा लखेटेका हाै ।
यता, सत्येन्द्र यादवले भने स्थानीय युवाहरुले सांसद तिवारीसँग विवादको क्रममा धक्कामुकी गरेपछि आफूले उनीहरुलाई रोक्ने प्रयास मात्र गरेको दावी गरेका छन् ।
यसैबीच सांसद तिवारीले भनिन जनताले आफुलाई लखेटेकाे हाेइन बाटाे निर्माणकाे क्रममा वर्षातकाे पानीले हिलाे भएकाे विपक्षी समुहका व्यक्तिहरूले विवाद गरेकाे हाे । श्राेत – ईकागज
यो विषयमा आफ्नो प्रतिक्रिया दिनुहोस् !