जनकपुरधाम, असार १७ गते । लामाे प्रतिक्षा पश्चात् निर्माण भएकाे धनुषा – सिरहा जोड्ने हुलाकी राजमार्ग अन्तरगत कमला नदिको पुल सैतालन नहुंदै भासिएको छ ।
नदीमा आएको अत्याधिक बहाबसँगै १० वर्षदेखि निर्माणाधीन पुल दुई फिट मुनी भाँसिएको सिरहाका प्रमुख जिल्ला अधिकारी प्रदीपराज कणेलले जानकारी दिएका छन ।
उनले भने गत असार १३ गते हस्तान्तरण गर्ने भनिएकाे साे कमला पुलकाे बसपिट्टा घाटस्थित १२ वटा स्पानमध्ये एक स्पान २ फिट मुनि जति संचालन नहुंदै भांसिएकाे छ ।
उनले कमसल र गुणस्तरहीन सामग्रीको प्रयोग वा गलत डिजाइन गरी निर्माण कार्य गरिएको कारण पुल भासिन गएकाेले पुल निर्माणको ठेक्का पाएका लुम्बिनी विल्डर्स विरूद्ध गुणस्तरहीन काम भएको गरेकाे भनी गृह मन्त्रालयमार्फत् भौतिक पूर्वाधार मन्त्रालयलाई परिपत्र गरिसकेकाे बताए ।
२०६८ सालमा पप्पु लुम्बिनी बिलर्डस जेभीले निर्माण थालेको पुलको काम सक्न अझैं बाँकी रहेको छ । ७ वर्षसम्म पप्पु कन्स्ट्रकसनले सुस्त गतिमा काम गरेपछि हुलाकी राजमार्ग निर्देशनालय जनकपुरधामले त्यसलाई हटाएर लुम्बिनी बिलर्डसलाई जिम्मेवारी सुम्पेको थियो ।
विगत तीन वर्षदेखि लुम्बिनी बिलर्डसले पुल निर्माणको काम गर्दै आएको थियो । पुल निर्माणको काम ९५ प्रतिशत मात्र पूरा भइसकेकाे छ ।
चार सय ७० मीटर लम्बाई रहेको पुल भासिएपछि साउन दोस्रो साता उद्घाटन गरी यातायात संचालन गर्ने योजना तुहिएको छ ।
यसैबीच जिल्ला प्रशासन कार्यालय सिरहाले कमला नदीको तटीय क्षेत्रका स्थानीयलाई कमला नदीमा पानीको बहाब उच्च रहेकोले सर्तक रहन आग्रह गरेको छ ।
यो विषयमा आफ्नो प्रतिक्रिया दिनुहोस् !