जनकपुरधाम, असार १५ गते । धनुषाको मिथिला नगरपालिका १ नक्टाझिजमा आयोजित नगरस्तरीय खुल्ला टी २० क्रिक्रेट टुर्नामेंटमा आयोजक संस्था कब्जा हिमालय युवा क्लबले कब्जा जमाएको छ ।
फाइनल म्याचमा हरिहरपुर क्रिकेट टीमलाई ३० रनले हराउंदै हिमालय युवा क्बलले जित्न सफल भएका हुन । मिथिला नगरपालिकाको सहयोग र वडा नम्बर २ को आर्थिक सहयोगमा असार १० गतेदेखि जारी सो म्याचमा कुल ८ वटा टीमले सहभागिता जनाएको थियो ।
टस जितेर ब्याटिंग रोजेका क्लबले निर्धारित २० ओभरमा १ सय १२ रनको लक्ष्य दिएको थियो । प्रतिष्पर्धी वडा नम्बर ३ स्थित हरिहरपुर टीमले १८ विकेटमा सबै विकेट गुमाउंदै मात्र ८१ रन बनाउन सकेको थियो ।
विजयी टीमलाई प्रमुख अतिथि नगरपालिकाका मेयर हरिनारायण महतोले ट्रफी पुरस्कार राशि प्रदान गरेका थिए । क्रिकेट प्रतियोगिताके अन्तिम प्रतिस्पर्धामा सामेल क्लबलाई प्रथम पुरस्कार एवं हरिहरपुर टीमके दोसर पुरस्कार दिइएको छ । प्रथम पुरस्कार राशी १० हजार नगद र दोश्रो पुरस्कार राशी ५ हजार नगद रहको थियो ।
समापन कार्यक्रमलाई सम्बोधन गर्दै मेयर महतोले भने खेलकुद विकासका लागि नगरपालिका शुरु देखि नै सहयोग गर्दै आएको छ र आगामी दिनमा सहयोग जारी राख्ने बताए । स्वस्थ्य र उर्जावान जीवनका लागि खेल अत्यावश्यक रहेकोले हरेक बालबालिकालाई खेलमा रुचि राख्न जरुरी छ ।
उनले भने खेलमा हारजीत भन्दा पनि सबै प्रतिष्पर्धी हुन्छ । कसैले हारे भने मन छोटो गर्नु हुदैन वा कसैले जित्यो भने हार्ने टीमलाई हेप्ने काम गर्नु हुदैन । आज हारेका खेलाडी भोली जित्न सक्ने सम्भावना बढी हुन्छ । त्यसैले खेलमा हारजीत भन्दा पनि आफ्नो उर्जा र हौसलालाई यथावत राख्नुपर्छ ।
सो कार्यक्रममा वडा नम्बर २ का अध्यक्ष बिहारी महतो, नगरपालिकाका प्रवक्ताद्वय दिपकजंग थापा, आयोजक संस्था हिमालय युवा क्लबका अध्यक्ष अरुणकुमार महतो, सल्लाहकार भगलु मण्डल, वडा नम्बर ३ का अध्यक्ष रामएकवाल महतो लगायतका व्यक्तिहरुको पनि अतिथिको रुपमा सहभागिता रहेको थियो ।
यो विषयमा आफ्नो प्रतिक्रिया दिनुहोस् !