जनकपुरधाम, असार १३ गते । महोत्तरीको बर्दिबास नगरपालिकाले आगामी आर्थिक वर्ष २०७८/०७९ का लागि एक अर्ब ४१ करोड २३ लाख ८३ हजार रुपैया बराबरको बजेट विनियोजन गरेको छ ।
निति तथा कार्यक्रम पारित भएकै दिन शुक्रवार आयोजित आठौं नगरसभामा बजेट ल्याइएपनि योजनागत योजनागत रुपमा छलफल र बाँडफाँड हुन नसकेको कारण पारित हुन सकेको थिएन ।
आइतवार कार्यपालिका बोर्डको बैठक बसेर श्रोत अनुमान समितिले सुनिश्चित गरेको बजेटमा योजनागत छलफल गरी सर्वसम्मतले पारित गरिएको हो । यसअघि नगरपालिकाका मेयर विदुर कार्कीले तोकिएको मितिमा नगर सभा सम्पन्न भएपनि बजेट चाहि आइतवार पारित गर्ने जनाएको थियो ।
नगरपालिकाका प्रमुख प्रशासकीय अधिकृत रेवती प्रसाद पराजुलीका अनुसार आगामी आ.ब. २०७८/०७९ का लागि नगरपालिकाले एक अर्ब ४१ करोड २३ लाख ८३ हजार रुपैया बराबरको बजेट ल्याइएको हो ।
नगरपालिकाको १४ वटै वडाको सिलिङ्ग अन्तर्गत १० करोड ९५ लाख बराबरको योजनाहरु छुटयाइएको छ भने स्वास्थ्यमा २ करोड, शिक्षामा ३ करोड ८० लाख रुपैया छुटयाइएको छ । पुर्वाधार, खानेपानी र सडक, पिसीसी ढलान सहितका विकास निर्माणका योजनाहरुलाई प्राथमिकतामा राखिएको अधिकृत पराजुलीले बताए ।
यो विषयमा आफ्नो प्रतिक्रिया दिनुहोस् !