जनकपुरधाम, असार १२ गते । महोत्तरीको बर्दिबास नगरपालिकाले तयारी अपुग भएको कारण भोली आइतवार आगामी आर्थिक वर्ष २०७८/०७९ का लागि बजेट पारित हुने भएको छ ।
तोकिएको मितिमा सम्पन्न भएको आठौ नगरसभाबाट निती तथा कार्यक्रम पारित भएपनि तयारी अपुग भएको कारण बजेट ल्याइए पनि आइतवार कार्यपालिका बोर्डको बैठक बसेर पारितकाे तयारी भइरहेको जनाइएको छ ।
नगरपालिकाका मेयर विदुर कार्कीले हामीले तोकिएको मितिमा नगर सभा सम्पन्न गरिसकेका छौं, सो नगर सभाबाट निती तथा कार्यक्रम पारित गरियौ तर समय आभावले गर्दा बजेट पारित गर्न सकिएन ।
उनले भने श्रोत अनुमान समितिले फाइनल गर्ने हो, कुन योजनामा कति रकम राख्ने हो भन्ने फाइनल सो समितिले गर्ने हो तर कोरोना लगायतका विविध समस्याले गर्दा समयमा भ्याउन सकेनौं तर भोली आइतवार कार्यपालिकाको बैठक बसेर बजेट पास गर्ने हो ।
असार १० गतेसम्म बजेट ल्याउनुपर्ने हो तर के कति कारणले ल्याउन सकिएन भन्ने जिज्ञासामा मेयर कार्कीले भने १० भित्रै बजेट ल्याउनुपर्ने कुनै कानूनी बाध्यता छैन स्थानीय तहले असार २९ गतेसम्म ल्याइ सक्नुपर्ने हो । तर नगर सभाबाट असार १० भित्रै निती तथा कार्यक्रम ल्याइ सक्नुपर्ने हो सो हामीले ल्याइसकेका छौं ।
त्यस्तै नगरपालिकाका प्रमुख प्रशासकीय अधिकृत रेवती प्रसाद पराजुलीले पनि बजेट सुनिश्चित भइसकेको छ, नीति तथा कार्यक्रम पारित भएपनि बजेटमा केही कार्य बाँकी रहेको कारण नगर सभाको दिन प्रस्तुत हुन सकेन । तर आइतवार कार्यपालिकाको बैठक बसेर पारित हुने बताए ।
उनका अनुसार आगामी आ.ब. २०७८/०७९ का लागि नगरपालिकाले एक अर्ब ४१ करोड २३ लाख ८३ हजार रुपैया बराबरको बजेट ल्याउने निश्चित भइसकेको छ । जसमा ६४ करोड ६० लाख ८३ हजार विकास बजेट विकास बजेट रहेको । बजेटमा स्वास्थ्य, शिक्षा र पुर्वाधारमा केन्द्रित रहेको छ । अधिकृत पराजुीले भने बजेट तयार भइसकेपनि कार्यपालिका सदस्यबीच योजनागत रुपमा छलफल र बाँडफाँडको लागि आइतवार बैठक बस्दै छ । सो बैठकबाट पारित हुनेछ ।
यो विषयमा आफ्नो प्रतिक्रिया दिनुहोस् !