जनकपुरधाम, असार ९ गते । धनुषाको लक्ष्मीनियाँ गाउँपालिकाले आगामी आर्थिक वर्षका लागि ३० कराेडभन्दा बढीकाे विकास बजेट ल्याएकाे छ ।
बुधवार गाउँपालिका अध्यक्ष बिन्देश्वर यादवको अध्यक्षतामा सम्पन्न आठाै गाउंसभाबाट ल्याइएकाे साे बजेट सर्वसम्मतले पारित भएकाे छ ।
सभालाई सम्बाेधन गर्दै अध्यक्ष यादवले गाउंपालिकाकाे विकासमा कुनै कसर बांकी नराख्ने बताए । उनले भने विकासमा कसैसंग राजनितिक पुर्वाग्रह वा विभेद गरिने छैन ।
केन्द्रबाट प्राप्त हुने समानिकरण अनुदान, सर्शत अनुदान, राजश्व बांडफांड र आन्तरिक राजश्वलाई समेटेर कुल ३० कराेड ३० हजार रूपैया बराबरकाे अनुमानित विकास बजेट सार्वजनिक गरिएकाे हाे ।
बजेटमा कृषि, शिक्षालाई बढी जोड दिनुका साथै बस्तीबाट वडा केन्द्र जोड्ने सडक, वडाबाट केन्द्र जोड्ने अधुरा सडकहरुलाई विशेष प्राथमिकता दिएको छ ।
लगानी सुनिश्चितता, नेपाल सरकारकाे समन्वयमा अति विपन्न परिवारको लागि छानो फेर्ने कार्यक्रम संचालन गरिने, गाउँपालिकालाई हरित सडकको व्यवस्था गरिने, स्थानीय सरकार जनतासँग कार्यक्रमको व्यवस्था मिलाउने र प्रत्येक महिना वडा कार्यालयमा जनप्रतिनिधीसँग जनताको प्रत्यक्ष संवाद कार्यक्रम जस्ता योजनाहरु नीति, कार्यक्रम तथा कार्यक्रममा समेटिएकाे छ।
सभामा गाउंपालिकाबाट प्रत्येक महिला वडा सदस्यलाई साडी, स्मार्टफाेन, ब्याग र पुरूष सदस्यलाई दाेसल्ला ओढाई सम्मान सहित माेबाइल ब्याग उपहार दिइएकाे छ ।
यो विषयमा आफ्नो प्रतिक्रिया दिनुहोस् !