जनकपुरधाम, असार ६ गते । धनुषाकाे मुखियापट्टी मुसहरनिया गाउंपालिका लक्ष्मीपुरमा पाेखरीमा डुबेर मृत्यु भएकी बालिकाहरूकाे परिवारलाई गाउंपालिकाले राहत उपलब्ध गराएका छन ।
गाउंपालिका अध्यक्ष मनाेज यादवले एक लाख ५१ हजार रूपैयाकाे दरले प्रत्येक मृतक परिवारलाई राहत उपलब्ध गराएका छन । पिडीत परिवारहरूलाई अध्यक्ष यादवले आइतवार पिडीत परिवारहरूलाई घरमै पुगी चेक हस्तान्तरण गरेका छन ।
केही दिनअघि गाउंपालिका अध्यक्षले पिडीत परिवारलाई राहत उपलब्ध गराउने घाेषणा गरे अनुरूप साे उपलब्ध गराइएकाे हाे ।
मृतक बालिका लक्ष्मिनिया यादवका बुवा पल्टु यादव, चन्द्राकुमारी भगतका बुवा जोगिन्द्र भगत, मन्जु पुर्वेकाे बुवा राजगीर पुर्वे, चान्दनी ठाकुरका हजुर बुवा जगरनाथ ठाकुर र ललिता साहका बुवा उत्तिम साहलाई साे राहत स्वरूपकाे चेक गाउंपालिका जनप्रतिनिधि, कर्मचारी, गाउंका नागरिक समाजका अगुवा र स्थानीयकाे उपस्थितिमा अध्यक्ष यादवले चेक हस्तान्तरण गरेका छन ।राहत वापतकाे साे चेक हस्तान्तरण कार्यक्रममा उपाध्यक्ष मिरादेवी महताे, प्रमुख प्रशासकिय अधिकृत सत्यनारायण साह, वडाध्यक्षहरू, गाउंका नागरिक समाजका अगुवा र स्थानीयकाे उपस्थिति रहेकाे थियाे ।
गत शुक्रवार धनुषाको मुखियापट्टी मुसरह्निया गाउंपालिका ६ लक्ष्मीपुर गाउंमा पाेखरीमा नुहाउन गएकी १२ वर्षिया लक्ष्मिनिया यादव, १० वर्षिय चन्द्राकुमारी भगत, १३ वर्षिय मन्जु पुर्वे, १२ वर्षिय चान्दनी ठाकुर र १२ वर्षिय ललिता साह सहित स्थानीय पांच जना बालिकाकाे डुबेर मृत्यु भएकाे थियाे ।
यो विषयमा आफ्नो प्रतिक्रिया दिनुहोस् !