जनकपुरधाम, जेठ २७ गते । प्रदेश २ सरकारले गरीब तथा विपन्न परिवारलाई सम्माजनक गुजाराका लागि नयाँ घर बनाएर दिने भएको छ ।
पदभार ग्रहण गरे लगतै नवनियुक्त भौतिक पुर्वाधार विकास मन्त्री रामसरोज यादवले महेन्द्रनारायण निधी विपन्न आवास योजना अन्तर्गत गरीबहरुलाई घर निर्माण गरेर दिने घोषणा गरेका हुन ।
उनले सामाजिक, राजनीतिक रुपमा पछाडि परेका, दलित, विपन्न, सीमान्तकृत, एकल महिला र शहीद परिवारको पहिचान र सूचीकृत गरी तिनीहरुको समानुपातिक रुपमा सम्मानजनक उपस्थितिका लागि सबैको बास सबैलाई आवासको उद्देश्यले घर निर्माण गरेर दिने भने ।
प्रत्येक निर्वाचन क्षेत्रमा पहिचान गरिएका गरीब तथा पछाडि परेकाहरुलाई सम्मानजनक गुजाराका लागि कम्तिममा १० जना गरी ६४० जनालाई ५ लाख रुपैया बराबरको घर निर्माण गरेर दिने मन्त्री यादवले घोषणा गरे ।
मन्त्रालयबाट चाँडै नै कार्यविधि तयार गरी सूचीकृत गरिएका गरीब तथा विपन्न परिवारलाई आगामी आर्थिक वर्ष भित्रै निर्मित घर हस्तान्तरण गर्ने उनले भने ।
यो विषयमा आफ्नो प्रतिक्रिया दिनुहोस् !