जनकपुरधाम, जेठ २६ गते । एक साताको सकसपछि बुधवार प्रदेश २ सरकारमा पुनर्गठनको टुंगो लागेको छ ।
मुख्यमन्त्री पदका अडान राखेका कांग्रेस अन्ततः भौतिक पुर्वाधार विकास मन्त्रालय सहित ३ मन्त्रालय लिएर सरकारमा जान सहमति जनाएको छ । कांग्रेस र माओवादी केन्द्रको सहमति पश्चात मुख्यमन्त्री लालबाबु राउतले मन्त्रिमण्डल विस्तारको तयारी थालेको छ ।
जसपा उपेन्द्र यादव समूह, कांग्रेस र माओवादी सम्मलित सरकार गठनका लागि भइरहेको कसरत आज टुंगोमा मन्त्रीमण्डल विस्तार गर्न लागेका छन् । कांग्रेसलाई कुन कुन मन्त्रालय दिने टुंगो लागेपनि माओवादी केन्द्रलाई दुई वटा मन्त्रालय दिने भनिएपछि कुन कुन मन्त्रालय मन्त्रालय दिने बारे छलफल जारी नै रहेको छ ।
सहमति बारे अधिकारिक पुष्टि नभएपनि कांग्रेसलाई भौतिक पुर्वाधार विकास, खानेपानी तथा सिचाई र सञ्चार मन्त्रालय सहित ३ वटा मन्त्रालय दिने सहमति भएको श्रोतको दाबी छ । संसदीय दलका नेता रामसरोज यादवको नेतृत्वमा विरेन्द्र सिंह र ओमप्रकाश शर्मा मन्त्री बन्ने भएका छन ।
रामसरोज यादवलाई भौतिक मन्त्रालय, ओमप्रकाश शर्मा खानेपानी तथा सिँचाई र वीरेन्द्र सिहंलाई संचार मन्त्रालयको जिम्मा दिइने सहमति भएको छ । उता माओवादि केन्द्रको तर्फबाट भरत साह र जगत यादव मन्त्री बन्नेछ तर तिनीहरुलाई कुन कुन मन्त्रालय दिइने बारे छलफल जारी नै रहेको बुझिएको छ । नयाँ मन्त्रीहरुको शपथ ग्रहण प्रदेश प्रमुख कहाँ साढे ७ बजे हुने बताइएको छ ।
यो विषयमा आफ्नो प्रतिक्रिया दिनुहोस् !