जनकपुरधाम । दोश्रो लहरको कोरोना संक्रमण तिव्रगतिमा बढदै गएपछि धनुषाको धनुषाधाम नगरपालिकाले अक्सिजनस र आइसोलेन वार्डसहितको कोभिड अस्थायी अस्पताल सञ्चालनमा ल्याएको छ ।
नयाँ भेरियन्टकोे कोरोना भाइरसका संक्रमितलाई उपचार गर्न धनुषाधाम नगरपालिकाले अक्सिजन र १० बेडको आइसोलेन वार्ड सहितको कोभिड अस्थायी अस्पताल संचालनमा ल्याइएको नगरपालिकाका नगर प्रमुख बालेश्वर मण्डलले बताए ।
नगरपालिकाले कोरोना भाइरस रोकथाम तथा नियन्त्रणको प्रयासमा बैशाख महिनाको सुरुवातबाटै प्रचार–प्रसार र जनचेतना मुलक कार्यक्रम गर्दै आएको छ । संक्रमण समुदायस्तरमा पनि फैलिरहेकोले पूर्व तयारी अनुरुप केही दिन अगाडी नै कोभिड अस्पताल सञ्चालनमा ल्याइसकेको नगर प्रमुख मण्डलले बताए ।
नगर प्रमुख मण्डलले हालको अवस्था हेर्दा उपचार गरेर संक्रमणलाई रोकथाम गर्न सम्भव नभएकाले निषेधाज्ञाको पूर्ण पालना नागरिकले गर्नुपर्ने बताए । उनले आफ्ना नगरबासी तथा देशबासीलाई निषेधाज्ञाको पूर्ण पालना गर्दै घरमै सुरक्षित साथ बसिदिन अनुरोध गरेका छन् । क्वारेन्टाइन सञ्चालनलगायत भाइरस संक्रमण पहिचानका लागि स्वाब संकलन र एन्टिजेन परीक्षणको तयारी थालिएको नगर प्रमुख मण्डलले जानकारी दिए ।
यो विषयमा आफ्नो प्रतिक्रिया दिनुहोस् !