जनकपुरधाम, जेठ १६ गते । प्रदेश २ का आर्थिक मामिला तथ योजना मन्त्री विजय यादवले संघीय सरकारले सार्वजनिक गरेको बजेटमा प्रदेश र स्थानीय तहलाई गरेको वित्तिय हस्तान्तरण सिद्धान्त विपरित रहेको बताएका छन ।
संघीय सरकारले आर्थिक वर्ष २०७८/०७९ का लागि सार्वजनिक गरेको बजेट बारे आइतवार प्रतिक्रिया दिदै मन्त्री यादवले भने संघीयता कार्यान्वयनका लागि प्रदेश र स्थानीय तहलाई कम्तिमा ६० प्रतिशत विनियोजन हुनुपर्नेछ । चालु वर्षभन्दा पनि कम बजेट विनियोजन गर्नु सिद्धान्त विपरित रहेको भन्दै अपाति जनाएका छन ।
बजेटबारे १९ बुँदै लिखित प्रतिक्रियामा मन्त्री यादवले कषि, लघु, घरेलु तथा साना उद्यम कार्यक्रम संविधानतः प्रदेश र स्थानीय तहको कार्य जिम्मेवारीमा पर्ने विषयमा केन्द्र सरकारले कार्यक्रममा बजेट विनियोजन गर्नु गलत रहेको भन्दै बजेट तर्जुमामा संघ, प्रदेश र स्थानीय तहबीच समन्वय र सहकार्य गर्ने संवैधानिक व्यवस्थालाई बेवास्ता गरिएको बताएका छन ।
त्यस्तै प्रधानमन्त्री कृषि आधुनिकीकरण लगायतका विभिन्न कार्यक्रम प्रदेश र स्थानीय सरकारले सञ्चालन गर्न सकिने भएपनि केन्द्रमै राखेकोमा उनले आपत्ति जनाएका हुन् ।
‘सुरक्षित नागरिक आवास कार्यक्रममा विनियोजित रकम ३ अर्ब ५० करोड न्यून रहेको छ’, मन्त्री यादवले भनेका छन्, ‘यस्ता कार्यक्रमहरु प्रदेश सरकारबाट सञ्चालन हुँदै आएकाले केन्द्रीय कार्यक्रममा राख्नु भन्दा बित्तीय हस्तान्तरण मार्फत प्रदेश सरकारबाट हुनुपर्ने मांग गरेका छन ।
साथै मन्त्री यादवले लोकपुकार सँग कुरा गर्दै काम चलाउन सरकारले ल्याएको बजेट संविधान विपरित र अवैधनिक रहेको ठहर गरेका छन । उनले भने काम चलाउ सरकारले पुर्ण आकारको बजेट ल्याउनु संसदीय प्रणाली विपरित र अवैधानिक रहेको छ ।
अध्यादेश मार्फत चुनावी तयारी स्वरुप ल्याइएको बजेट कार्यान्वयन पक्ष कमजोर हुने भन्दै अनिवार्य दायितत्व बाहेक अन्य कार्यक्रम मान्य नहुने बताए । उनले चुनावको मुद्दा सर्वोच्चमा रहेकोले चुनाव लक्षित गरी बजेट ल्याउनु गलत रहेको बताए ।
यसका साथै मन्त्री यादवले बजेटमा कोभिड–१९ उपचार नियन्त्रण तथा रोकथामलाई प्राथमिकता र र कर छुट सम्बन्ध गरिएको व्यवस्था सकारात्मक रहेको भन्दै विद्युतीय सवारी साधन प्रयोगमा प्रोत्साहन, नीजि क्षेत्रको सुविधामा बढोत्तरी, निःशुल्क कोरोना विरुद्धको खोपको सुनिशिचतता गरेको पक्ष राम्रो भएपनि कार्यान्वयनमा आशंका रहेको उनले बताए ।
यो विषयमा आफ्नो प्रतिक्रिया दिनुहोस् !