वीरगंज, जेठ १४ गते । सरकारले कोरोना खोप उपलब्ध गराउन नसकेपछि प्रदेश २ का वीरगंज महानगरपालिकाले आफ्नै खर्चमा विपन्न गरीब असहाय नगरवासीलाई निशुल्क खोप लगाउने भएको छ ।
स्थानीय सरकारको हैसियतमा वीरगंज महागनरपालिकाले दोश्रो चरणको कोरोना लहरमा कोरोना भाइरस विरुद्धको खोप आफ्नै खर्चमा खरिद गर्न सरकारसँग अनुमति मागेको छ ।
स्वास्थ्य तथा जनसंख्या मन्त्रालयमा सोमबार पत्राचार गर्दै महानगरपालिकाले १ लाख नागरिकलाई लगाउन खोप खरिदका लागि अनुमति मागेको गरेको हो । गरीब, विपन्न र असहाय व्यक्तिलाई सो खोप निशुल्क लगाइने छ भने अन्यलाई नेपाल सरकारले तोकेको दर रेटमा उपलब्ध गराइने छ ।
महानगर प्रमुख सरावगीले कोरोना महामारीबाट बच्न खोप प्रभावकारी देखिएको र खोप लगाएकाहरुमा मृत्युदर पनि कम देखिएकोले अहिले वीरगंजमा कोरोना संक्रमणको दोश्रो लहरमा धमाधम मृतक संख्या बढीरहनु चिन्ताको विषय बन्दै गएको खोप खरिद गर्न लागिएको बताए ।
महानगरको आन्तरिक श्रोतबाट खरीद गरिने सो “नेपाल सरकारले अनुमति दिएको खोप खरिद गरिदै भन्दै मेयर सरावगीले भने स्थानीय व्यवसायी र विदेशमा रहेका व्यक्तिहरुको सम्पर्कमा त्यहाँका खोप कम्पनी तथा आपूर्तिकर्ताहरुसँगको सम्वन्वयमा खोपको व्यावस्था गरेर सरकारले जुन प्रकृयाबाट ल्याउने हो । त्यहि च्यानल र प्रकृयाबाट नै ल्याउनेछु ।
उनका अनुसार अमेरिकी कम्पनी फाईजर र रसियन खोप स्पुतनिक–५ खोप राम्रो छ । सरकारले अनुमति दिए मगाएर नगरबासीलाई लगाउने नगर प्रमुख सरावगीले बताए । उनले भने, ’खोपले नागरिक बचाउन सकिन्छ भने ५/७ करोड खर्च गरेर खोप आउँछ, किन खर्च नगर्ने ? भनेर अनुमति मागेका हौं ।’
समुदाय स्तरमा फैलिएको कोरोना भाइरस संक्रमणको दोस्रो लहरमा लक्षणसहितका संक्रमित बढी देखिएकोले अस्पतालमा अक्सिजन, आईसीयू, भेन्टिलेटरका साथै कोभिड अस्पताल निर्माणपछि वीरगंज महानगरले अब खोप लगाउने अभियानमा जुटेका छन ।
यो विषयमा आफ्नो प्रतिक्रिया दिनुहोस् !