जनकपुरधाम । कोरोना संक्रमण बढदै गएपछि धनुषाको गणेशमान चारनाथ नगरपालिकाले २० बेडको आइसोलेन अस्पताल सञ्चालनमा ल्याएको छ ।
नगरपालिकाले अक्सीजन लगायत सम्पूर्ण सुविधासहितको अस्थायी कोभिड अस्पताल कोरोना संक्रमित बिरामीको उपचारका लागि सञ्चालनमा ल्याइएको नगर प्रमुख रामबाबु यादवले जनाएको छ ।
गणेशमान चारनाथ नगरपालिकाको वडा नम्बर ७ पोर्ताहामा नगरपालिकाले यसै बर्ष निर्माण गरेको नयाँ भवनमा कोभिड अस्पताल सञ्चालनमा ल्याएका हुन् ।
अस्पताल सञ्चालनका लागि नगरपालिकाले एकजना एमबिबिएस डाक्टर, एकजना स्टाफ नर्स, दुईजना कार्यालय सहयोगी र एकजना नगर प्रहरी खटाएको प्रमुख यादवले बताए । उनले प्रदेश २ मै नमूना आइसोलेन अस्पताल सञ्चालनमा ल्याएको दाबी गर्दै आवश्यक परे एच.ए. लगायतका थप जनशक्ति खटाउने पनि जनाए ।
नगर प्रमुख यादवले भने, अधिल्लो बर्ष ६ वटा क्वारेन्टाइन सञ्चालन गरेर कोरोना भाइरसको संक्रमणलाई रोकथाम तथा नियन्त्रणको प्रयासमा महत्वपूर्ण भूमिका निर्भाह गरेका थियौं । यस पटक पनि मजबूतिका साथ भिडेका छौं ।
आइसोलेसन अस्पतालमा हाल १३ वटा अक्सिजिन सिलिण्डर तयारी अवस्थामा छ । बिरामीलाई निःशुल्क औषधी र खानपिनको समेत व्यवस्था गरेका छौं, नगर प्रमुख यादवले भने ।
नगरपालिकाले समुदायस्तरमा समेत कोरोना परीक्षण शुरु गरेको छ । दुई दिनको अवधिमा ७६ जनाको स्वाब संकलन गरी परीक्षणका लागि प्रादेशिक कोभिड अस्पताल जनकपुरमा पठाइएको स्वास्थ्य इन्चार्ज श्याम रायले जनाए ।
उनले अस्पतालमा हाल एकजना संक्रमित रहेको र पाँच जना संक्रमित होम आइसोलेसनमा रहेको बताए । होम आइसोलेसनमा रहेका संक्रमितलाई औषधोउपचारका लागि दिनहु चिकित्स पठाउने गरेको छ ।संक्रमित बिरामीलाई ओसारपसारका लागि एक वटा एम्बुलेन्स तयारी अवस्था राखि राखेको र थप चार वटा एम्बुलेन्सलाई नियमित सम्पर्कमा राखेको स्वास्थ्य इन्चार्ज रायले जानकारी दिए ।
उनीहरूलाई इलाका प्रहरी कार्यालय सिमराले नियन्त्रणमा राखी थप अनुसन्धान भइरहेको जिल्ला प्रहरी कार्यालय बाराले जनाएको छ ।
यो विषयमा आफ्नो प्रतिक्रिया दिनुहोस् !