जनकपुरधाम, जेठ ११ गते । धनुषाको हंसपुर नगरपालिकामा कोरोना रोकथाम तथा नियन्त्रणका लागि स्वास्थ्य चेकजाँच र नगर सेनिटाइज्ड कार्यक्रम एकै साथ शुरु गरिएको छ ।
कोरोना भाइरस संक्रमण रोकथाम तथा नियन्त्रणका लागि धनुषाको हंसपुर नगरपालिकामा किटनाशक औषधि छिडकाउ गरी नगर सेनिटाइज्ड र नगरवासीको घरदैलोमा गई स्वास्थ्य चेकजाँच तथा जनचेतना फैलाउने गर्ने कार्य गरिएको छ ।
कोरोना महामारीलाई परास्त गर्न लामखुट्टे सहितको अन्य किटानुलाई नष्ट गर्न किटनाशक सहितका औषधि छिडकाउ गरी नगर सेनिटाइज्ड गर्ने कार्य मंगलवारदेखि शुरु गरिएको कुरा नगरपालिकाका मेयर रामज्ञान मण्डलले जानकारी दिएका छन । उनले भने हाल नगरपालिकाको वडा नम्बर ८ भतहीको उत्तरतर्फ र वडा नम्बर ९ को सोनिगामाबाट एकै पटक दुई ठाउँबाट शुरु गरिएको छ अन्य वडामा समेत यसपछि विस्तारै सेनिटाइज्ड गर्दै जानेछु ।
कोरोना भाइरसको महामारीलाई मध्यनगर गरी त्यसलाई रोकथाम तथा नियन्त्रण गर्न र लामखुट्टे सहितका अन्य किराहरु न्यूनीकरण गर्ने उद्देश्यले नगरपालिकाबाट बजेट विनियोजन गरी नगर सेनिटाइज्ड कार्यक्रम अघि बढाइएको उनले बताए ।
यसैबीच कार्य नगरवासीको घरसम्म पुगेरस्वास्थ्य चेकजाँच र कोरोना महामारीबाट बच्न सक्ने उपाय सहितको जनचेतना फैलाउने पनि शुरु गरिएको छ । स्वास्थ्यकर्मीहरुको टोली खटाई वडा नम्बर १ बाट स्वास्थ्य चेकजाँच कार्यक्रम मंगलवारदेखि शुरु गरिएको हो ।
यसका साथै कोरोना भाइरसको महामारी विरुद्ध सुविधा सम्पन्न १० बेडको कोभिड अस्पताल र आक्सीजन सहितको १५ बेडको आइसोलेशन सेन्टर निर्माणको तयारी तिव्र गतिमा भइरहेको कुरो नगरपालिकाका प्रमुख प्रशासकीय अधिकृत रामलोचन मण्डलले जानकारी दिएका छन ।
उनले भने यसका साथै नगरको टोल टोलमा पिसीआर चेकजाँच कार्यक्रम समेत अघि बढाउने तयारी पनि भइरहेको छ । प्रादेशिक ल्याब र स्वास्थ्य कार्यालय धनुषासँग समन्वय गरी पीसीआर चेकजाँच कार्यक्रम बढाइने छ ।
यो विषयमा आफ्नो प्रतिक्रिया दिनुहोस् !