जनकपुरधाम, जेठ ४ गते । कोरोना भाइरस महामारी रोकथाम तथा नियन्त्रणका लागि जनकपुरधाम उपमहानगरपालिकाले नगर सेनिटाइज्ड देखि आइसोलेशन निर्माणसम्मको कार्य अघि बढाएको छ ।
पमहानगरपालिकाको स्वास्थ्य शाखाका जनस्वास्थ्य अधिकृत विजय साहले उपमहानगरपालिकाले दोश्रो चरणको संक्रमण फैलिएदेखि हालसम्म सो संक्रमण रोकथाम तथा नियन्त्रणका लागि गरेको कार्य बारे क्रमागत रुपमा एक प्रेस विज्ञप्ति जारी जनाएको छ ।
जारी विज्ञप्तिमा दोश्रो चरणको कोरोना संक्रमण फैल्ने क्रम बढेसंगै शुरुमै उपमहानगरपालिकाको भवन र विमान स्थलमा थर्मल गन र सेनिटाइजर सहितको व्यवस्थापन गरिएको जनाएको छ ।
कोरोना संक्रमण रोकथाम तथा नियन्त्रणका लागि स्वास्थ्यकर्मीहरुको टीमले ७ टा सीआईसीटी समूह र एउटा मोनेटरिङ्ग एण्ड कोर्डिनेशन टीम बनाई कन्ट्रयाक्ट ट्रेसिङ्ग, होम होम आइसोलेशनमा बसेकाहरुको मोनेटरिङ्गग आवश्यक सल्लाह सुझाव र सहयोग लगायतका विभिन्न कार्यको निरन्तरता दिदै आएको छ जनाइएको छ ।
त्यसैगरी नगर संकट व्यवस्थापनको समितिको निर्णयानुसार गोपाल धर्मशालामा ३७ बेड सहितको आइसोलेशन संचालन, प्रादेशिक अस्पताललाई ५ गोदावरी अस्पतालाई ६ आक्सीजन उपलब्ध गाउनुका साथै नगर सेनिटाइज्डलाई निरन्तरता र नेपाल पत्रकार महासंघ धनुषालाई मास्क र सेनिटाइजर लगायतका स्वास्थ्य सुरक्षा सामाग्री उपलब्ध गराएको छ ।
संक्रमणको अवस्था अनुसार थप प्रभावकारी कार्यक्रमहरु अविलम्ब संचालन गरिने प्रतिबद्धता सो विज्ञप्तिमा जनाइएको छ ।
यो विषयमा आफ्नो प्रतिक्रिया दिनुहोस् !