जनकपुरधाम, वैशाख २८ गते । कोरोना महामारीको बेला संघ कुर्सीे र प्रदेश सरकार बजेट सिध्याउने खेलमा लागेपछि संक्रमण रोकथाम र स्वास्थ्योपचारका लागि वीरगंज महानगरपालिका युद्धस्तर रुपमा अघि बढेका छन ।
कोरोना भाइरस संक्रमण रोकथाम र स्वास्थ्योपचारका लागि संघीय र प्रदेश सरकारले कुनै चासो नलिएपछि वीरगंज महानगरपालिका आफ्नै खर्चमा सयौं बेड सहितको सुविधायुक्त अस्थायी कोभिड विशेष अस्पताल संचालनमा ल्याएका छन ।
महानगरपालिकाले कोभिड अस्पतालमा बसेका संक्रमितहरुको निशुल्क औषधि, आक्सीजन ग्यास र खानाको व्यवस्थापनि सहित होम आइसोलेशनमा बसेकाहरुलाई पनि आक्सीजन देखि उपचारसम्म निशुल्क व्यवस्थापनि गर्दै आफ्नो दायित्व पुरा गर्दैछन ।
वीरगंज महानगरपालिका वडा नम्बर ९ घडिअर्वा पोखरीको छेउमा लक्ष्मीनारायण मन्दिर अन्तर्गत रहेको गोपाल मण्डली धर्मशालामा सय बेड आक्सीजन सहितको २ सय ३० बेडको आइसोलेसन कक्ष सहितको कोभिड विशेष अस्पताल वैशाख २४ गतेदेखि संचालनमा ल्याएका छन ।
वीरगंज क्षेत्रमा कोरोना भाइरसबाट संक्रमित हुनेको संख्या दिनदिनै बढदै गएको बेला संघीय र प्रदेश सरकारले कुनै चासो नलिएपछि महानगरपालिका आफ्नै खर्चमा आइसोलेशनदेखि उपचारसम्मको व्यवस्थापनमा जुटेको महानगरपालिका मेयर विजय सरावगीले बताए ।
उनले भने महामारीमा सँग लड्न हामीले गोपाल मण्डलीमा एक सय वटा आक्सीजन सहितको २ सय ३० बेडको कोभिड विशेष अस्पताल निर्माण गरेका छौं, जसमा २ एमडी सहित १० जना चिकित्सक, २१ स्वास्थ्यकर्मी र सफाईकर्मी सहित ४० जना कर्मचारी तथा संक्रमितहरुका लागि २४ औं घण्टा एम्बुलेन्सको व्यवस्था गरिएको छ । सो अस्पतालमा उपचार सम्भव नभएपछि आफ्नै खर्चमा नारायणी अस्पताल र नेशनल मेडिकल कलेजमा थप उपचारका लागि पठाउने छौं ।
यसका साथै महानगरपालिकाले घर घरमा गई पीसीआर चेकजाँचका लागि स्वाब संकलन, एक सयभन्दा बढी होम आइसोलेशनमा बसेकाहरुलाई औषधि उपचारदेखि आक्सीजन दिदैं आएको छ भने सशस्त्र प्रहरीको आइसोलेशन कक्षमा २१ वटा आक्सीजन दिनुका साथै नारायणी अस्पताललाई चार वटा भेन्टीलेटर सहयोग गर्न लागेको छ ।
मेयर सरावगीले भने संघ र प्रदेश सरकार सहयोग नगरेपनि हामी आफ्नो दायित्वबाट पछि हटने छैनौ । महानगरपालिकाले कोरोना भाइरससँग लड्न आन्तरिक श्रोतबाट ४ करोड रुपैया बजेट छुटयाएका छौ । ती रकमबाटै अहिलेसम्मको व्यवस्थापन गरिएको पछि घटयो भने बजेटबाट व्यवस्थापन गर्ने प्रयास गर्नेछौं त्यसलेपनि अपुग भएको अवस्थामा निजी लगानी र अन्य ठाउँबाट सहयोग लिनेछौं ।
प्रदेश र संघ सरकारले गरेको असहयोग बारे दुखेसो सुनाउंदै मेयर सरावगीले भने पहिलो चरणको कोरोना महामारी बेला दुवै तहको सरकारको आश्वासनमा महानगरपालिकाले ७ करोडभन्दा बढी रुपैया खर्च गरेको थियो तर पटक पटक ताकेता गर्दा पनि हालसम्म उपलब्ध गराइएको छैन ।
पहिलो चरणको कोरोना भाइरसको संक्रमण फैलिँदा सिद्धार्थ मावीमा ६० बेड, होटल रानीपोखरीमा ५० बेड र राणी सती धर्मशालामा ६० बेडको आइसोलेसन सेन्टर र गोपाल मण्डलीमा १ सय ११ बेडको आइसोलेसन महानरपालिकाले संचालनमा ल्याएको थियो ।
यो विषयमा आफ्नो प्रतिक्रिया दिनुहोस् !