बुटवल, वैशाख २६ गते । कोभिड १९ को दोस्रो लहरको प्रभाव लुम्बिनी प्रदेशका पत्रकारहरुमा पनि परेको छ ।
प्रदेशका रोल्पा, दाङ, कपिलवस्तु, गुल्मी, पाल्पा, अर्घाखाँची सहितका जिल्लामा ३८ जना पत्रकार संक्रमित भइसकेको छ ।
प्रदेश समितिले दिएको जानकारी अनुसार सबैभन्दा बढी रुपन्देहीमा १४ जना संक्रमित बनेका छन् । जसमा दुई जना अस्पतालमा भर्ना भएर उपचार गराइरहेका छन् भने बाँकी पत्रकार होम आइसोलेशनमै बसेका छन् ।
तत्यस्तै बाँकेमा १२, दाङमा ४, बर्दियामा ४, पाल्पामा २ तथा कपिलवस्तु र नवलपरासी पश्चिममा १÷१ जना पत्रकार संक्रमित भएको महासंघको लुम्बिनी समितिले जनाएको छ । ती संक्रमित पत्रकारहरुको लागि जिल्ला स्थित पत्रकार महासंघको भवनमै अक्सिजनसहितको आइसोलेशन निर्माण गरिएको छ ।
संक्रमणको दर तिव्र रुपमा बढिरहेको कारण अस्पताल भरिभराउ हुँदा उपचारमा समस्या हुन सक्ने दृष्टिगत गर्दै स्थानीय तह, जिल्लास्थित विभिन्न संघ संस्थाको सहयोगमा पत्रकारहरुको लागि प्रदेशका ६ वटा जिल्लामा आइसोलेशन कक्ष निर्माण गरिएको प्रदेश पत्रकार महासंघले जनाएको छ ।
नेपाल पत्रकार महासघ लुम्बिनी प्रदेश समितिले प्रदेशका रोल्पा, दाङ, कपिलवस्तु, गुल्मी, पाल्पा, अर्घाखाँचीमा पत्रकार महासंघकै भवनमा आइसोलेशन निमार्ण गरेको जनाएको छ ।
महासंघका महासचिव विक्रम खड्काले जारी गरेको विज्ञप्तिमा दाङ शाखाले ६ वेडको र अन्य जिल्ला शाखाले निमार्ण गरेका आइसोलेशनहरु ५ वेडका छन् । जिल्ला जिल्लामा संक्रमितहरूको संख्या वढ्दै गएकोले सम्भव हुने जिल्लामा सरोकारवाला संघ संस्थाको सहयोगमा संरचना निमार्ण भएको महासंघका प्रदेश अध्यक्ष बसन्त गिरीलेले बताएका छन ।
यो विषयमा आफ्नो प्रतिक्रिया दिनुहोस् !