जनकपुरधाम, वैशाख २० गते । आफ्नो चरित्र हत्या गर्ने प्रदेश २ को दलित विकास समितिका उपाध्यक्ष राम प्रवेश बैठालाई पक्राउ गर्न प्रहरीले आनाकानी गरेको आरोप जनता समाजवादी पार्टीका सदस्य ललिता दासले लगाएकी छिन ।
चरित्र हत्या हुने गरी अवैध सम्बन्ध राख्न प्रस्ताव राखेपछि आफूले नमानेपछि मोबाइल मार्फत समाजिक सञ्जाल फेसबूकको मैसेन्जरमा अपशब्द र गाली गलौज गरेकोले कारवाहीको मांग गर्दै सदस्य ललिताले बैठा विरुद्ध ईलाका प्रहरी कार्यालय लहानमा उजुरी दर्ता गराएकी छिन ।
उजुरी दर्ता गराएको १० दिन बितिसक्दा पनि प्रहरीले उपाध्यक्ष बैठालाई पक्राउ गर्न कुनै चासो नलिएको गुनासो संचारकर्मी समक्ष ललिताले गुनासो गरेकी छिन । उनले भनिन् बदनियतवश महिलाको इज्जतसँग खेलवाड गर्ने व्यक्तिलाई प्रहरीले पक्राउ गर्न नसक्नु महिलामाथिको अन्याय छ ।
उजुरीमा ललिताले समितिमा चयन भएको अवसरमा शपथ ग्रहणको लागि आमन्त्रित गर्ने बहानामा उपाध्यक्ष बैठाले गएको चैत ९ गते राति ११ बजेतिर चरित्र हत्या हुने गरी अवैध सम्बन्ध राख्न मैसेन्जरमा प्रस्ताव गर्दा आफूले अस्वीकार गरेपछि लज्जित हुने खालका अभद्र गालीगलौज गरेको आरोप लगाएकी छिन ।
उनले आरोपित बैठाको यस्तो गलत क्रियाकलापले आफ्नो परिवारमा पति पत्नीबीचको दाम्पत्य जीवन समेत धरापमा पर्न लागेकोले निजलाई तत्काल पक्राउ गरेर घटनाको सत्यतथ्य छानबीन गरी कारवाही गर्न माँग गरेकी छिन ।
एउटा सार्वजनिक पद धारण गरेको पार्टीकै व्यक्तीले महिला नेत्रीमाथि गलत नियत राख्नु ठिक नरहेको भन्दै कारवाही गर्न पार्टी भित्र मांग गर्दा कुनै चासो नलिएपछि बाध्य भएर आफू प्रहरीमा उजुरी दिएकी हुँ दासले संचारकर्मीसँग कुरा गर्दै भनिन् ।
उपाध्यक्ष बैठा तात्कालिन राजपाबाट हुन नियुक्त भएका हुन भने दास समाजवादी पार्टीको नेतृ टाबाट हुन ।
शपथ ग्रहणका लागि मैसेन्जरमा भइरहेको कुराकानीको क्रममा विवाद बढदै जाँदा उपाध्यक्ष बैठाले दासलाई औकातमा रहेर कुरा गर्न चेतावनी दिदैं आमालाई गाली र रण्डी जस्ता शब्द प्रयोग गरेका छन ।
ललिताले भनिन् हामीबीच २/३ वर्षदेखि सामान्य चिन्जान रहेकोमा शुरुदेखि आफूमाथि बैठाले गलत नियत राखि फोन र विभिन्न कार्यक्रमहरुमा कुरा गर्दै आएको थियो । त्यसलाई आफूले बेवास्ता गर्दै आएको थिए । तर पछिल्लो पटक दलित आयोगमा नियुक्त भएपछि विभिन्न बहानामा आफूलाई फोन कल र मैसेन्जर मार्फत अवैध सम्बन्ध राख्ने खालका कुरा गर्दै आएको थियो ।
सोही क्रममा शपथ ग्रहणका लागि आमन्त्रणको बहानामा चैत ९ गते राति ११ बजेतिर कुरा गर्दा गर्दै अवैध सम्बन्धको प्रस्ताव राख्यो आफूले अस्वीकार गरेपछि अभद्र गाली गलौज मात्र होइन औकात देखाउने जस्ता चेतावनी समेत दिए । बैठाको करतूतले आफ्नो घर परिवारको सम्बन्ध समेत बिग्रिन थालेको छ, हाम्रो पति पत्नीबीचको दामपत्य जिवन समेत धरापमा पर्न लागेको ललिताले दुखेसो पोखेकी छिन ।
उता उपाध्यक्ष बैठाले समाजिक सञ्जाल फेसबूकको मैसेन्जरमा आफूले दासलाई गालीगलौज गरेको स्वीकार गरेपनि अवैध सम्बन्ध राख्ने जस्ता आफूमाथि गलत आरोप लगाइएको दाबी गरेका छन ।
उनले भने मेहनती र जुझारु महिला भएको कारण आफूले उनलाई सदस्यमा नियुक्त गर्न आफूले नै सिफारिस गरेको थियो । आफूलाई विभिन्न बहानामा तनाव दिदै आएको कारण कुराकानीको क्रममा अपशब्द प्रयोग हुन गएको हो ।
घटना बारे ईलाका प्रहरी कार्यालय लहानका प्रमुख प्रहरी नायब उपरिक्षक तपन दाहालले बैठा विरुद्ध उजुरी दर्ता भएको बताउंदै घटना बारे छानबीन गरिरहेका छौं, दुवै पक्षलाई बोलाएका छौं, वार्ताको माध्यमबाट समाधान गर्न खोज्छौं नभए कानूनी प्रक्रियाले अघि बढछौं ।
यो विषयमा आफ्नो प्रतिक्रिया दिनुहोस् !