जनकपुरधाम, वैशाख १८ गते । प्रदेश २ मा कोरोना महामारी तिब्र रुपमा फैलिदै गएपछि रोकथाम तथा नियन्त्रणका लागि सर्वसाधारणले अपनाएको सतर्ककता बारे प्रदेश प्रमुख राजेश झा अहिराजले स्थलगत अनुगमन नै गरेका छन ।
दोस्रो भेरियन्ट सहितको कोरोना महामारी भयावह रुप लिइरहेको अवस्थामा व्यवसायी तथा पसलेहरु मास्कको प्रयोग र भौतिक दूरी के कतिको पालना गरिरहेको छ बारे प्रदेश प्रमुख जनकपुरधाम नगरको स्थलगत अनुगमन गरेका हुन ।
आफ्ना कार्यालय मिल्स एरियादेखि शिवचोकसम्म पैदल यात्रा गर्दैै प्रदेश प्रमुख झाले अनुगमनको क्रममा मास्क नलगाएका बटुवा तथा पसलेलाई हात जोड्दै मास्क लगाएर काम गर्दा आफु पनि स्वस्थ्य रहने र अरुलाई पनि स्वस्थ्य राख्न मद्दत पुग्ने भनी सुझाव दिएका थिए ।
उनले मास्क नलगाएकाहरुलाई मास्क दिएर अत्यावश्यक काम बाहेक घर बाहिर ननिस्कन र निस्किनु नै परेमा मास्क अनिवार्य रुपमा लगाउनुपर्ने र भौतिक दूरीको पालना गर्न व्यवसायी तथा सडकमा हिडने बटुवाहरुलाई अनुरोध गरेका थिए ।
प्रदेश प्रमुखका सचिव ध्रुव गैडाले कोरोना महामारीको दोस्रो चरणमा प्रवेश गरेपछि धनुषा जिल्ला पनि अति प्रभावित रहेकाले स्वास्थ्यको ख्याल गर्दै प्रदेश प्रमुख झाद्वारा अनुगमन गरिएको बताए । अनुमगनको क्रममा मास्क नलगाएकाहरु मास्क दिनुका साथै भौतिक दूरी कायम गर्न सल्लाह दिएका थिए ।
यो विषयमा आफ्नो प्रतिक्रिया दिनुहोस् !