जनकपुरधाम, बैशाख १७ गते । प्रदेश २ का मुख्मयन्त्री लालबाबु राउतले तिव्र रुपमा बढदै गएको कोरोना संक्रमण नियन्त्रण तथा रोकथाममा सम्पूर्ण शक्ति लगायत प्रमुख जिल्ला अधिकारीहरुलाई निर्देशन दिएका छन ।
शुक्रवार प्रदेशका ८ वटै प्रमुख जिल्ला अधिकारीसँगको भर्चुअल मिटिङ्गमा मुख्यमन्त्री राउतले कोरोना संक्रमण महामारीको रोकथाम र नियन्त्रणका लागी सम्पूर्ण शक्ति लगाउन प्रमुख जिल्ला अधिकारीहरुलाई निर्देशन दिएका हुन ।
कोरोना जाँचका लागी प्रदेश सरकारले आठ वटै जिल्लामा पिसिआर मेशिन संचालनमा आईसकेकोले चेकजाँचमा समस्या नहुने भन्दै मुख्यमन्त्री राउतले उपचारको लागी समेत प्रदेश सरकार तयार अवस्थामा रहेको र थप तैयारी समेत शुरु गरिसकेको प्रजिअहरुलाई जानकारी गराएका थिए ।
कोरोना महामारीको अवस्था वारे जानकारी लिने उद्देश्यले मुख्यमन्त्री राउतले गरेको छलफलको क्रममा प्रमुख जिल्ला अधिकारीहरुले कोरोना महामारी नियन्त्रणका लागी आठ वटै जिल्लामा होल्डीङ्ग सेन्टरहरुको निर्माण गर्नु पर्ने सुझाव दिएका छन ।
भर्चुअल सम्बादमा प्रदेश सरकारको तर्फ बाट प्रमुख सचिव गोकर्णमणि दुवाडी, मुख्य न्यायाधिवक्ता दिपेन्द्र झा, आन्तरिक मामिला तथा कानून मन्त्रालयका सचिव विरेन्द्र कुमार यादव, आर्थिक मामिला मन्त्रालयका सचिव, समाजिक विकास मन्त्रालयका सचिव, चार वटै सुरक्षा निकायका प्रदेश स्थित प्रमुखहरु सहितको उपस्थिति रहेको थियो ।
यो विषयमा आफ्नो प्रतिक्रिया दिनुहोस् !