जनकपुरधाम, वैशाख १७ गते । सप्तरीबाट सशस्त्र प्रहरीले लागु औषधसहित दुई जनालाई पक्राउ गरेको छ ।
पक्राउ पर्नेमा बिष्णुपुर गाउँपालिका–७ कनकटा बस्ने २८ बर्षीय अभिमन्युकुमार र राजविराज नगरपालिका–८ बस्ने ४३ बर्षीय गज्जु दास रहेको जनाएको छ ।
सशस्त्र प्रहरी उपरीक्षक राजु श्रेष्ठका अनुसार स ४ प ३४९७ नम्बरको मोटरसाइकलमा भारतबाट लागूऔषध ल्याउँदै गर्दा राजगढ गाउँपालिका–२ मा चेक प्वाइन्टमा सशस्त्र प्रहरीको गस्ती टोलीलाई देखेपछि भाग्दै गरेको अवस्थामा तिनीहरुलाई नियन्त्रणमा लिइएको हो ।
तिनीहरुको प्रहरीले साथबाट डाइजेपाम इन्जेक्सन ६४ थान, फेनारगन इन्जेक्सन ६५ थान, लिजेसिक बुप्रेनोरोफिन इन्जेक्सन ६५ थान, नाइट्रोसुन ट्याब्लेट ५० थान बरामद गरेको छ ।
पक्राउ परेका साथबाट जिल्ला प्रशासन कार्यालय सप्तरीबाट जारी भएको लक्ष्मीकुमार मण्डलको र बोधनी देवीको नामबाट जारी भएको नागरिकता समेत बरामद भएको प्रहरी उपरीक्षक श्रेष्ठले जनाएको छ ।
यो विषयमा आफ्नो प्रतिक्रिया दिनुहोस् !