जनकपुरधाम, वैशाख १० गते । दाेषीलाई कारवाहीकाे मांग गर्दै महाेतरी सहाेडवा स्थित चांदनी चाैकमा स्थानीयले सडकमै शव राखि प्रदर्शन गरेका छन ।
बिहिवार जनकपुर भिट्ठामाेड सडक खण्डमा एक यात्रुवाहक बसकाे ठक्करबाट सिटिजन्स बैंक इन्टरनेशनल पिपरा शाखाका सहायक शाखा प्रबन्धक सुजित झाकाे मृत्यु भएकाे थियाे ।
दाेषीमाथि तत्काल कारवाही र उचित क्षतिपुर्तिकाे मांग गर्दै स्थानीयले सडक अवरूद्ध गरि घण्टै बेरसम्म शव सडकमा प्रदर्शन गरेका हुन । दाेषीलाई कडा कारवाही गर्ने स्थानीय प्रशासनकाे आश्वासनपछि प्रदर्शन राेकिएकाे छ ।
महाेतरीकाे पिपरा गाउंपालिका ५ हर्दिया निवासी सहायक शाखा प्रबन्धक झा करीब पाैने १० बजे ज८प ९०६५ नम्बरकाे माेटरसाइकलमा कार्यालय गइरहेकाे बेला पिपरा नजिक विपरित दिशाबाट आइरहेकाे ना ८ ख ७२०३ नम्बरकाे यात्रुवाहक बसले ठक्कर हानेकाे थियाे ।
ठक्करबाट गम्भीर घाइते भएका झाकाे जनकपुरधाम स्थित जानकी हेल्थ केयरमा उपचारकाे क्रममा बिहिवार दिउंसाे ४ बजेतिर निधन भएकाे थियाे ।
झालाई ठक्कर दिएकै क्रममा साे बसले बीआर ३२ वाई ५३३१ भारतीय नम्बरकाे माेटरसाईकल र प्रदेश २-०३-००६ प २३१ नम्बरकाे स्कुटीलाई समेत ठक्कर हानेकाे थियाे ।
भारतीय माेटरसाइकलमा सवार भारत बिहार मधुबनी जिल्लाका गणेश सहनी र रामनारायण सहनी, स्कुटीमा सवार जनकपुरधाम १ कि गंगाकुमारी सिह घाइते भएकी थिइन । तिनीहरूकाे पनि उपचार जानकी हेल्थ केयरमै भइरहेकाे छ ।
यो विषयमा आफ्नो प्रतिक्रिया दिनुहोस् !