जनकपुरधाम, चैत ३१ गते । जनकपुरधाम उद्योग बाणिज्य संघको नयाँ नेतृत्व चयनका लागि भएको मतदानमा भएको धाँधली विरुद्ध न्यायका लागि अदालत जाने वरिष्ठ उपाध्यक्षका प्रत्याशी सुरेन्द्र भण्डारीले बताएका छन ।
गत चैत २८ गते सम्पन्न मतदानको मतगणनामा खसेको मतभन्दा बढी मतपत्र भेटिएकोले धाँधली भएको आरोप उनको रहेको छ । उनले भने मतदान ४३११ भएको थियो, तर मतगणना हुँदा ४४११ मतदान भएको भनियो मतगणनापछि त्यसमा ४३९९ मतपत्र भेटिएको उनको दाबी छ ।
सोमवार एक पत्रकार सम्मेलन आयोजना गरी भण्डारीले भने यसरी मतदानभन्दा बढी मतपत्र यसरी भेटिदै गएकोमा आफूलाई हराउने षडयन्त्र तहत बाहिरबाट अवैधानिक रुपमा मतपत्र राखिएको हो । मतगणनाको क्रममा दुई दुई पटक बाहिरबाट दुई पोका मतपत्र अर्को बाक्समा भेटिएको भन्दै मिसाएपछि आफूहरु प्रतिकार गर्न खोज्दा प्रहरीद्वारा हस्तक्षेप गरियो ।
जिल्लाको प्रशासनिक निकायले पनि आफुहरुलाई समेत सोहि परिमाणमा मत खसेको जानकारी गराइएको बताइरहेको अवस्थामा निर्वाचन समितिकै मत परिणामलाई आधार मान्दा अतिरिक्त सैयौं मत मिसाइएको उनको भनाई छ । वरिष्ठ उपाध्यक्ष पदमा विजेता घोषणा गरिएका मनिष रमन साहले २१९५ मत पाएको र उपविजेता भनिएका सुरेन्द्र भण्डारीले २१५० मत पाएको देखाइएको छ भने ५४ मत बदर भएको भनिएको छ ।
सो तिनवटै मत परिणामको योगफल कुल संख्या ४३ सय ९९ हुन जान्छ । यस्को मतलव अतिरिक्त ८८ मतपत्र वरिष्ठ उपाध्यक्ष पदमै देखिन्छ । यस्ता विभिन्न कारणले चुनावमा धाँधली भएको भन्दै वरिष्ठ उपाध्यक्ष पदका प्रत्यासी सुरेन्द्र भण्डारी न्याय खोज्दै प्रहरी प्रशासन र उदालत गुहारेपछि कुनै सुनुवाई नहुँदा अब अदालत जाने तयारीमा जुटेका छन ।
भण्डारीले निर्वाचन समितिका प्रमुख सन्तोष साहले आफ्ना भाई मनिषरमण साहलाई जिताउन मतगणनामा धांधली गरेको आरोप लगाउंदै पुनः मतदानको मांग गरेका छन । उनले भने अहिले धेरै मतपत्र त्यसमा मिसिसकिएकोले अब पुनः मतगणना होइन मतदान नै गर्नुपर्ने हाम्रो मांग हो । पुनः मतदान नगरिए न्यायका लागि आफू सर्वोच्च अदालतसम्म जानेछु ।
यो विषयमा आफ्नो प्रतिक्रिया दिनुहोस् !