जनकपुरधाम, चैत २७ गते । एकीकृत माओवादी केन्द्रले प्रदेश २ मा नयाँ संसदीय दलको नेता चयन गरेको छ ।
केन्द्रको बसेको संसदीय दलको बैठकबाट भरत प्रसाद साहलाई संसदीय दलको नेतामा चयन गरिएको हो । साहलाई संसदीय दलको नेता सहित उपनेता, प्रमुख सचेतक, सचेतक चयन गरेको हो ।
यसअघि रामचन्द्र मण्डल संसदीय दलको नेता रहेको थियो । एमाले र माओवादी एकीकरणपछि बनेको नेकपाबाट सत्यनारायण मण्डललाई संसदीय दलको नेतामा चयन गरिएको थियो । नेकपा पार्टी जमर कटेलको पोल्टामा गएपछि दुवै दल पुरानै नाममा फर्किएपछि नयाँ नेता चयन गरिएको हो ।
मण्डल नेकपा एमालेमा गएपछि सो पदमा साहलाई नेता, उपनेतामा जगतप्रसाद यादव, प्रमुख सचेतकमा दिलिप साह, सचेतकमा रुवी कर्णलाई चयन गरिएको छ । पार्टीको प्रदेश २ मा ११ जना प्रदेश सभा सदस्य रहेका छन । जसमा चार जना नेकपा एमालेमा गएका छन । साहले बैठकबाट आफूलाई संसदीय दलको नेतामा चयन गरिएको छ भने चार जना प्रदेश सभा सदस्यलाई स्ष्टीकरण सोध्न निर्णय गरिएको बताएका छन ।
स्ष्टीकरण सोधिएको प्रदेश सभाका सदस्यहरुमा रामचन्द्र मण्डल,ज्वाला साह,मो.समिर ,कुन्दन कुशवाहा रहेका छन । उनिहरु पार्टीमा नफर्किएको खण्डमा उनिहरुको प्रदेश सभा सदस्यता खारेजको प्रक्रियाको थाल्नी गरिने समेत साहले बताए ।
सर्वोच्च अदालतको आदेश पछि नेकपा माओवादी केन्द्र र नेकपा एमाले भएपछि चार जना नेताहरु पुर्वतको माओवादी केन्द्रमा नफर्किएर नेकपा एमाले तर्फ लागेपछि उनिहरुलाई स्पष्टीकरण सोधिएको बताए ।
बैठकबाट संसदीय दलको विधान बनाउनको लागिविधान मस्यौदा समिति गठन गरिएको छ । समितिको संयोजकमा भरत प्रसाद साह,सदस्यहरुमा जगत यादव र रामकुमार यादव रहेका छन ।
यो विषयमा आफ्नो प्रतिक्रिया दिनुहोस् !