जनकपुरधाम, चैत १९ गते । आगामी चैत २५ गते हुने नेपाल पत्रकार महासंघ प्रदेश २ काे निर्वाचनका लागि अध्यक्ष पदमा लागि तीन जनाले मनाेयन दर्ता गराएका छन् ।
निर्वाचन समितिका अनुसार अध्यक्ष पदमा राजेश कुमार कर्ण, जीतेन्द्र प्रसाद सिंह र नवल किशोर यादव उम्मेदवारी दिएका हुन् ।
सर्लाही निवासी सिंह मधेसी पत्रकार समाज, धनुषा घर भएका यादव प्रेस युनियन–प्रेस सेन्टर र धनुषाकै कर्ण प्रेस चौतारी–प्रेस मञ्चको तर्फबाट उम्मेदवारी दिएका छन ।
जनकपुरस्थित नेपाल पत्रकार महासंघमा उम्मेदवारी दर्ता गराउने कार्यक्रम राखिएको थियो । पहिलाे पटक प्रत्यक्ष रूपमा हुन लागेकाे प्रदेश तर्फ कुल २१ वटा पदका लागि ५३ जनाको उम्मेदवारी परेको छ ।
त्यस्तै, उपाध्यक्षमा बृज लाल पासवान, राजु विश्वकर्मा र रामनन्द प्रसाद गुप्ता गरी ३ जनाले मनोनयन दर्ता गराएका छन् ।
महिला उपाध्यक्षमा ज्योति झा, नेहा झा, माला कुमारी कर्ण र रेणु कुमारी चौधरी गरी ४ जनाले मनोनयन दर्ता गराएका छन् ।
महासचिवमा अशोक कुमार तिवारी, धु्रब साह र श्याम प्रसाद बञ्जारा गरी ३ जनाले उम्मेदवारी मनोनयन दर्ता गराएका छन् भने सचिवमा अजीत कुमार सिंह (खुल्ला), आलोक पाण्डे (खुल्ला), उपेन्द्र प्रसाद यादव (समावेशी), कमल कुमार उपाध्याय (खुल्ला), जीतलाल श्रेष्ठ (समावेशी) र भोला पासवान (समावेशी) मा आ–आफ्नो मनोनयन दर्ता गराएका छन् ।
त्यस्तै कोषाध्यक्षमा विश्वनाथ ठाकुर, मनोज कुमार मिश्र, रमेश सुवेदी र शैलेन्द्र कुमार महतो गरी ४ जनाले मनोनयन दर्ता गराएका छन् ।
सदस्यमा खुल्ला, महिला, आदिवासी जनजाति, दलित र अल्पसंख्यक गरि ३० जनाले उम्मेदवारी दिएका छन ।
खुल्ला सदस्यका लागि अजय कुमार साह, अनिल कुमार तिवारी, दिपक प्रसाद गौतम, नविन सिंह, बैधनाथ चौधरी, मनोज तिमीलसीना, महेश्वर अधिकारी, रमेश सिंह, ललन कुमार साह, शैलेन्द्र झा, संतोष कुमार सिंह र त्रिलोकीनाथ यादव गरी १२ जनाले उम्मेदवारी मनोनयन दर्ता गराएका छन् ।
महिला सदस्यमा प्रतिभा झा, लक्ष्मी खरेल, सुधा देब, सपना ढकाल, सरिता चौधरी र बरुणा यादव र मधेशी सदस्यका लागि धनवीर महतो, नवीन मिश्र र संजय कुमार उम्मेदवारी मनोनयन दर्ता गराएका हुन् ।
त्यस्तै, आदिवासी जनजाती सदस्यका लागि उदय कुमार दास थारु, रोयाण्टर मण्डल र शंकर श्रेष्ठ, दलित सदस्यका लागि कैलास दास, वीरेन्द्र विश्वकर्मा र राम एकवाल महरा गरी ३ जनाले मनोनयन दर्ता गराएका छन् ।
अल्पसंख्यक सदस्यका लागि ग्यासु मिया देवान, प्रभाष चन्द्र कर्ण र हदिस खुद्दार गरी ३ जनाले मनोनयन दर्ता गराएको निर्वाचन समिति संयोजक रामभरत साहले जानकारी दिएका छन् ।
निर्वाचन समितिले उम्मेदवार उपरको दावी विरोधका लागि बिहीबार साँझ ६ बजेदेखि शुक्रबार अपरान्ह साढे १२ बजेसम्मका लागि समय निर्धारण गरेको छ भने उम्मेदवारले शुक्रबार दिउँसो ४ बजेसम्म उम्मेदवारी फिर्ता लिनसक्ने जनाइएको छ ।
उम्मेदवारको अन्तिम नामावली प्रकाशन शुक्रबार साँझ ६ बजे गरिने निर्वाचन समितिले जनाएको छ ।
यो विषयमा आफ्नो प्रतिक्रिया दिनुहोस् !