जनकपुरधाम, चैत १५ गते । हास्य कलाकार महजोडी मदन कृष्ण श्रेष्ठ र हरिवंश आचार्यलाई यस वर्ष जनकपुरधाम स्थित मिथिला नाट्यकला परिषद (मिनाप) ले महामुर्खको उपाधि दिएका छन ।
मिनापले प्रत्येक वर्ष होली पर्वको पुर्व सन्ध्यामा महामुर्ख सम्मेलन गर्दै आएकोमा यस वर्षपनि जानकी मन्दिरमा आयोजना गरी महामुर्खको उपाधि संयुक्त रुपमा महजोडीलाई दिएका हुन ।
कार्यक्रमलाई सम्बोधन मदन कृष्ण श्रेष्ठले भने कला क्षेत्रमा दर्जनौ उपाधि पाएको छु तर यो महामुर्खको उपाधि मेरो लागि ऐतिहासिक रहेको छ । उनले भने मिनापले दिएको उपाधि मेरो कलाकारिता क्षेत्रको लागि ठूलो सम्मान छ ।
सो कार्यक्रममा महामुर्ख शिरोमणीको उपाधि प्रदेश २ का भौतिक पुर्वाधार विकास मन्त्री जितेन्द्र सोनललाई दिइएको छ भने राजनीतिक तथा व्यसाय लगायतका क्षेत्रसँग आबद्ध एक दर्जनभन्दा बढी व्यक्तिलाई विभिन्न हास्य उपाधि दिइएको छ ।
त्यस्तै, जनकपुरधाम उपमहानगरपालिका वडा नम्बर–४ का वडाध्यक्ष सुदर्शन सिंहलाई बैशाखनन्दन, जसपाका केन्द्रिय सदस्य राजिव झालाई वंश कुरहरि, डेली एक्सप्रेस दैनिक पत्रिकाका प्रकाशक शंकर साहलाई मुसरीलाल, जसपा नेतृ विन्दु ठाकुरलाई खपसुरती, जसपा नेता शेषनारायण यादवलाई चोन्हमा, नेपाल शिक्षक संघका प्रदेश २ अध्यक्ष मेघनाथ यादवलाई चौपटानन्दको उपाधि दिइएको छ ।
चित्रकार एस.सी. सुमनलाई तरघुसका, सुरेश शर्मालाई हराशंख, उद्योग, पर्यटन, वन तथा वातावरण मन्त्रालयका सुजित झालाई सिलौटानन्द, साहित्यकार एवं गीतकार अशोक दत्तलाई वोतलानन्द, नेपाल पत्रकार महासंघका पूर्वकोषाध्यक्ष शीतल साहलाई ढोरबा, मोडेल क्याम्पसका सञ्चालक बीरेन्द्र साहलाई लोढाशंकर, कराँतेका प्रशिक्षक बीरेन्द्र कर्णलाई बज्रकीट र मैथिली विकास कोषका अध्यक्ष जीवनाथ चौधरीलाई पटमूर्खको उपाधि प्रदान गरिएको छ ।
दुई दिने सो मुर्खको पहिलो दिन शनिवार होरीको अवसरमा गाइने होरैया लोकगीतको आयोजना गरिएको भने आइतवार कवि गोष्ठी सँगै महजोडी लगायतका व्यक्तिहरुलाई विभिन्न हास्य उपाधि सहितको कार्यक्रमको आयोजना गरिएको थियो ।
मिनापले वि.सं. २०६१ सालबाट जनकपुरधाममा महामूर्ख सम्मेलनमा पछिल्लो वर्ष २०७६ सालमा प्रदेश नम्बर २ का मुख्यमन्त्री लालबाबु राउत, २०७५ मा जनकपुरधाम उपमहानगरपालिकाका मेयर लालकिशोर साह र २०७४ मा महामुर्खको उपाधी पूर्व राष्ट्रियसभा सदस्य वृषेशचन्द्र लाल, लाई प्रदान गरिएको थियो ।
यो विषयमा आफ्नो प्रतिक्रिया दिनुहोस् !