जनकपुरधाम, चैत १४ गते । प्रहरीले जनकपुरधामबाट लागू औषध गाँजा सहित दुई जनालाई पक्राउ गरेको छ ।
जिल्ला प्रहरी कार्यालय धनुषाका अनुसार पक्राउ पर्नेमा जनकपुरधाम उपमहानगरपालिका ४ स्थित डेरा लिई बस्दै आएका ५२ वर्षीय जिवन साह र वडा नम्बर १५ बस्ने ३९ वर्षीय रविन्द्र साह रहेको छ ।
जनकपुर उपमहानगरपालिका २४ बसहियास्थित सिक्स लाईन बाटोमा बेचविखन गरिरहेको अवस्थामा गोप्य सूचनाको आधारमा सादा पोशाकमा खटिएका प्रहरीले तिनीहरुलाई पांच किलो गाँजा सहित पक्राउ गरिएको जिप्रका धनुषाका प्रहरी नायब उपरिक्षक मकेन्द्र मिश्रले जानकारी दिएका छन ।
तिनीहरुको साथबाट ना २८ प ५७३९ नम्बरको मोटरसाईकल र ज ११ प ८७६९ नम्बरको मोटरसाईकल समेत तिनीहरुको साथबाट बरामद गरिएको उनले जनाएको छ । गाँजा सम्बन्धमा उनीहरुसँग सोधपुछ गर्दा जिवनले रविन्द्रलाई बेच्नका लागि ल्याएको प्रहरी समक्ष बयान दिएका छन ।
पक्राउ परेका दुवै जना विरुद्ध लागू औषधमा मुद्दामा म्याद थप गरी थप अनुसन्धान अघि बढाइएको प्रहरी नायब उपरिक्षक मिश्रले बताएका छन ।
यो विषयमा आफ्नो प्रतिक्रिया दिनुहोस् !