जनकपुरधाम, चैत १२ गते । बेपता भएका झा दम्पतिको शव एक महिनापछि महोत्तरीको अतरारमा भेटिएको छ ।
जिल्लाको पिपरा गाउँपालिका वडा नम्बर २ अतरार भन्ने गाउँको बाटोमा बोरामा बाँधेर माटो मुनि गाडिएको अवस्थामा फेला परेको हो । घटना स्थलमा नेपाल प्रहरी र केन्द्रिय अनुसन्धान ब्यूरो दुवैको टोली पुगेर शव नियन्त्रणमा लिइसकेका छन ।
पिपराबाट अतरार जाने बाटो निर्माण भइरहेको क्रममा डोजरले माटो खन्ने क्रममा बोरामा बाँधिएको अवस्थामा मानव कंकाल सहितको पुरुषको शव निस्केको थियो । बोरा गन्हाएपछि त्यसमा शव हुन आशंकामा बाटो निर्माणमा काम गर्ने मजदूरहरुले तुरन्त प्रहरीलाई फोन गरेको थियो ।
घटना स्थलमा तुरुन्त प्रहरी पुगेर बोरा खोलेर हेर्दा पुरुषको टाउको काटिएको अवस्थामा देखिएपछि पुनः प्रहरी र स्थानीयको सहयोगमा माटो खन्दा एक महिलाको शव पनि फेला परेको जिल्ला प्रहरी कार्यालय महोत्तरीका प्रहरी उपरिक्षक दिनेश आचार्यले बताएका छन ।
हत्याको बढी समय भइसकेको कारण शव गलिसकेको कारण यकिन हुन सकेको छैन शवलाई फोरोन्सिक ल्याबमा शव पठाएपछि त्यहाँबाटै मात्रै पुष्टि हुन सक्छ कि झा दम्पतिकै शव हो । तर घटनाको प्रकृति र झा दम्पतिका आफन्तले दावी गरे अनुसार मुसाफिर र गीता देवीकै शव हुन सक्ने उनले बताए ।
झा दम्पतिको हत्या आरोपमा यसअघि प्रहरीले एक भारतीय नागरिक सहित ४ जनालाई आइतवार नै पक्राउ गरिसकेको छ । प्रहरीले पिपरा गाउंपालिका ५ सहोडवा निवासी रामबाबु यादव, सुरेन्द्र यादव, राजेन्द्र यादव र भारतीय नागरिक बिहार राज्यको मधुबनी जिल्ला तरैया ग्राम पंचायतका हरेन्द्र ठाकुर पक्राउ गरेका थिए ।
अभियुक्त मध्येका रामबाबुसंग झा दम्पतिबीच जग्गा सम्बन्धी विवादले पटक पटक झै झग्डा भएको र घटनास्थलमा वेपता दम्पतिको कोठादेखि रामबाबुको घरसम्म र उनको घरको गेटमा रगतको छिटा देखिएपछि अनुसन्धान गर्दै जाँदा तिनीहरु नै अभियुक्त हुन प्रहरीले पता लगाएको थियो ।
झा दम्पतिको जग्गा बाटोका लागि रामबाबु मांगेपछि नदिंदा कब्जा गर्न खोज्दा विवाद भएको थियो र सो को मुदा अदालतमा समेत चलिरहेको छ । जग्गाकै कारण झा दम्पतिको हत्या भएको र आरोपितहरुले कसूर स्वीकार गरिसकेको प्रहरीको दाबी छ ।
यो विषयमा आफ्नो प्रतिक्रिया दिनुहोस् !