जनकपुरधाम, चैत ९ गते । सप्तरीमा जनप्रतिनिधि नै जनप्रतिनिधि विरुद्ध वडास्तरीय आधारभूत अस्पतालका लागि आन्दोलनमा उत्रेका छन ।
जिल्लाको खड्कपुर नगरपालिका ८ मा निर्माण हुन लागेको १५ सैयाका आधारभूत अस्पताल निर्माण विरुद्ध वडा नम्बर ७ का अध्यक्ष विरोध गर्दै आन्दोलनमा उत्रेका छन ।
नेपाल सरकार स्वास्थ्य तथा जनसंख्या मन्त्रालयद्वारा वडा नम्बर ८ मा निर्माण हुने भनिएको आधारभूत अस्पतालका फागुन २६ गते कार्यपालिका बैठकबाट गरिएको थियो । त्यसका लागि स्थानीय लोकेन्द्र नारायण श्रेष्ठ ,सुर्य नारायण श्रेष्ठ र दिपक कुमार श्रेष्ठको संयुक्त नाममा रहेको ०–१–१५–१९ जग्गा लिने निर्णय समेत गरिएपछि विवाद उत्पन्न भएको हो ।
बोर्डको उक्त निर्णय वडा नम्बर ७ का अध्यक्ष राकेश कुमारको नेतृत्व जनप्रतिनिधि तथा स्थानीय वडा नम्बर ८ मा बनाइने अस्पतालको निर्णय बदरगरी प्राथमिक स्वास्थ्य केन्द्र कल्याणपुरलाई स्तरोन्नतिको मांग गर्दै विरोध शुरु भएको हो ।
संघर्ष समितिका अध्यक्ष समेत रहेका साहले हामीहरूलाई भ्रममा राखि कार्यपालिका बाट वडा नम्बर ८ मा आधारभूत अस्पताल निर्माण गर्ने निर्णय गरिएको बताएका छन । उनले भने नगर भित्र रहेका काल्यणपुर स्वास्थ्य चौकीलाई स्तरोन्नति गर्न फाल्गुन २९ गते नगर उपप्रमुख यासमिन सुल्तान अध्यक्षतामा स्थानीयवासी, राजनीतिक दल र जनप्रतिनिधिहरूको बैठक निर्णय गरिएको थियो ।
तर सो निर्णयको पहल नभएप्छि चैत्र १ गते पुनः नगरपालिकालाई ज्ञापनपत्र र चैत्र २ गते जिल्ला समन्वय समिति सप्तरी, जिल्ला प्रशासन कार्यालय सप्तरी, जिल्ला स्वास्थ्य कार्यालय सप्तरीलाई समेत ध्यानाकर्षण पत्र बुझाएपछि पनि कुनै पहल नभएपछि चैत ८ गतेदेखि आन्दोलनमा उत्रिनु परेको वडाध्यक्ष साहले बताए ।
यो विषयमा आफ्नो प्रतिक्रिया दिनुहोस् !